سی پی پی سوپور سے ہارٹیکلچر یونیورسٹی تک کے مطالبات
سرینگر// کشمیر ویلی فروٹ گروورس کم ڈیلرز یونین کے ایک وفد نے چیئرمین بشیر احمد بشیر کی قیادت میں مرکزی وزیر زراعت شیوراج سنگھ چوہان سے وادی کے دورے کے دوران ملاقات کی۔ ان کے ہمراہ سینئر افسران بھی تھے۔جن میں وائس چانسلر، SKUASTکشمیر، ڈائریکٹر ہارٹیکلچر پلاننگ اینڈ مارکیٹنگ ، ڈائریکٹر ہارٹیکلچر ڈویلپمنٹ کشمیر، اور ڈائریکٹر زراعت کشمیر شامل ہیں ۔ بشیراحمد بشیر نے ایک 14 نکاتی میمورنڈم پیش کیا جس میںباغات کے لیے بیماری سے پاک شجر کاری کا مواد، قیمتوں میں کمی کے دوران کاشتکاروں کی حفاظت کے لیے مارکیٹ انٹروینشن اسکیم (MIS) کا دوبارہ تعارف، زرعی شعبے کی طرز پر باغبانی کے لیے فصلوں کی بیمہ اسکیم کا نفاذ، وڈور سوپور میں کلیننگ پلانٹ پروگرام (CPP) کے لیے مالیاتی فراہمی، ضلع بارہمولہ کے لیے کرشی وگیان کیندر (KVK) کا قیام۔یوٹی میں انڈسٹریل اسٹیٹس کی طرز پر الگ ہارٹی کلچر اسٹیٹ۔ سبسڈی کے ساتھ سوسائٹی کی بنیاد پر جنوبی اور شمالی کشمیر کے اضلاع میں 200کولڈ اسٹوروںکا قیام۔ کیڑے مار ادویات اور کھاد کی بڑھتی ہوئی قیمتوں کو چیک کریں جو کاشتکاروں پر بوجھ ڈال رہے ہیں۔
سری نگر جموں قومی شاہراہ پر انتہائی خراب ہونے والی چیری، ناشپاتی اور بابوگوشہ کی ترجیحی نقل و حمل، برآمدات بڑھانے کے لیے امریکی سیب کے بنگلہ دیش میں داخلے پر ٹیکس چھوٹ، شمالی کشمیر کے لیے ہارٹیکلچر یونیورسٹی کا قیام، وادی بھر میں پرانے پھلوں کے باغات کی بحالی۔ پلوامہ اور شوپیاں میں سی اے اسٹوروں کے لیے سبسڈی سکیم کی بحالی۔ گھریلو کاشتکاروں کے تحفظ کے لیے امریکی ویورپی سیب پر 100 فیصد درآمدی ڈیوٹی کا نفاذ شامل ہے ۔ شیوراج سنگھ چوہان نے وفد کو صبروتحمل سے سنا اور ہر مطالبے پر بات چیت کی۔ انہوں نے یونین کو یقین دلایا کہ اٹھائے گئے تمام مسائل کا جائزہ لیا جائے گا۔ وزیر نے جموں و کشمیر کے باغبانی سے متعلق معاملات پر براہ راست رابطہ برقرار رکھنے کے لیے چیئرمین بشیراحمد کے ساتھ اپنے رابطہ نمبر بھی شیئر کیے۔ فروٹ گروورس یونین نے جموں و کشمیر میں کاشتکاروں اور صارفین کے فائدے کے لیے مرکز کے ساتھ کام کرنے کے عزم کا اعادہ کیا۔کشمیر ویلی فروٹ گروورس کم ڈیلرز یونین پورے خطے میں ہزاروں باغبانوں اور ڈیلرز کی نمائندگی کرتی ہے۔
