عظمیٰ نیوز سروس
جموں// ریزرویشن پالیسی ایجنڈے میں سرفہرست ہونے کے ساتھ، وزیر اعلیٰ عمر عبداللہ نے 3دسمبر کو کابینہ کی ایک اعلیٰ سطحی میٹنگ طلب کی ہے، جہاں حکومت کی جانب سے ملازمتوں اور تعلیمی اداروں میں اوپن میرٹ کوٹہ میں اضافہ سمیت اہم فیصلے کیے جانے کی توقع ہے۔سرکاری ذرائع نے بتایا کہ یہ میٹنگ صبح 9 بجے سول سیکرٹریٹ جموں میں منعقد ہوگی اور سالانہ دربار موو کے بعد کابینہ کی پہلی باضابطہ میٹنگ ہوگی۔ذرائع نے بتایا کہ ریزرویشن کا جائزہ ایک اہم بحث کا نکتہ ہوگا کیونکہ حکومت اوپن میرٹ کوٹہ میں مجوزہ اضافے کو ایڈجسٹ کرنے کے لیے مخصوص زمروں، خاص طور پر پسماندہ علاقوں کے رہائشی (RBA) اور اقتصادی طور پر کمزور طبقات (EWS) میں کوٹے کو معقول بنانے کے لیے ریزرویشن رولز میں ترمیم کرنے کا ارادہ رکھتی ہے۔ رہنما خطوط کے مطابق EWS کوٹہ زیادہ سے زیادہ 10 فیصد تک محدود ہے اگر حکومت کی طرف سے جواز پیش کیا گیا تو اس میں ایڈجسٹمنٹ ہو سکتی ہے۔ RBA کوٹہ، جو کبھی 20 فیصد تک تھا، پہلے ہی ان خدشات کے درمیان کم کر کے 10 فیصد کر دیا گیا ہے کہ بااثر افراد کو غیر متناسب فائدہ ہوا۔ذرائع نے کہا، “حکومت کو مختلف زمروں سے تقریباً 10 فیصد کٹوتی کرنے کی ضرورت ہے، ان کو چھوڑ کر جن کو پارلیمنٹ نے ایس سی، ایس ٹی، اور او بی سی کو لازمی قرار دیا ہے تاکہ اوپن میرٹ کو 40 فیصد تک بڑھایا جا سکے۔”فی الحال، جموں و کشمیر میں ریزرویشن 70 فیصد ہے۔ سب سے زیادہ حصہ 20 فیصد درج فہرست قبائل کو جاتا ہے (10فیصد ہر گوجربکروال اور پہاڑی نسلی قبائل کو)، اس کے بعد RBA اور EWS کے لیے 10 فیصد، OBC کے لیے آٹھ فیصد، SC کے لیے آٹھ فیصد، اور ALC/IB کے رہائشیوں کے لیے چار فیصد حصہ،سابق فوجیوں اور معذور افراد کو 10 فیصد ریزرویشن فراہم کیا جاتا ہے۔ریزرویشن پر کابینہ ذیلی کمیٹی(سی ایس سی) جنرل زمرہ کے امیدواروں کے احتجاج کے بعد 10 دسمبر 2024 کو تشکیل دی گئی تھی۔ اس نے 10 جون 2025 کو اپنی سفارشات پیش کیں، جس کے بعد محکمہ قانون سے جانچ پڑتال کی گئی۔اب ان سفارشات پر آج ہونے والے کابینہ اجلاس میں حتمی فیصلے کی توقع ہے۔ “کابینہ کے تمام فیصلوں کو بالآخر لیفٹیننٹ گورنر سے منظوری کی ضرورت ہوگی،” ۔اس سے قبل، محکمہ خزانہ نے اکائونٹس اسسٹنٹ کی 600 اسامیوں کا اشتہار دیا تھا، جن میں سے صرف 240 کو اوپن میرٹ کیٹیگری کے لیے مختص کیا گیا تھا۔جے اینڈ کے سروسز سلیکشن بورڈ کے ذریعہ مشتہر کردہ اکائونٹس اسسٹنٹ کی 600 اسامیوں میں سے، صرف 40% پوسٹیں 240))او ایم کے خواہشمندوں کے لیے رکھی گئی ہیں جبکہ 360 پوسٹیں مختلف زمروں کے لیے محفوظ رکھی گئی ہیں، 48درج فہرست ذاتوں (SC) کے لیے، 60 ہر ایک درج فہرست قبائل کے لیے (ST1 اور ST4 بی سی کے لیے)، دیگر وارڈ 2 کے لیے ALC/IB، 60 پسماندہ علاقوں کے رہائشیوں کے لیے (RBA)، اور دیگر 60 اقتصادی طور پر کمزور طبقات کے لیے۔ عام زمرے کے طلبا کا کہنا ہے کہ انہیں سرکاری بھرتیوں میں نظرانداز کیا جا رہا ہے۔قبل ازیں جموں و کشمیر کے وزیر اعلی عمر عبداللہ نے جمعہ کو کہا کہ کابینہ اپنی اگلی میٹنگ میں ملازمتوں کے تحفظات کو معقول بنانے کے معاملے پر بات کرے گی۔انہوں نے کہا”کابینہ کا اجلاس ہوگا، ہم اس بات پر مجبور تھے کہ میں (ماڈل)ضابطہ اخلاق کی وجہ سے الیکشن کمیشن میں جا کر اس کو سبوتاژ نہیں کرنا چاہتا تھا، اب جبکہ ضابطہ اخلاق ختم ہو چکا ہے، انتخابات ہو چکے ہیں، متعلقہ وزیر کابینہ کی اگلی میٹنگ میں میمو پیش کریں گے، اور ہم اس کے بعد اس پر بات کریں گے”۔
