عظمیٰ نیوز سروس
جموں //میاں ڈیڈو، داتا رنپت اور باوا جیتو کو نسلوں کیلئے تحریک کے ستون قرار دیتے ہوئے سینئر بی جے پی لیڈر دیویندر سنگھ رانا نے کہا کہ ان کی وراثتیں بہادر ڈوگروں کے اجتماعی شعور، اقدار اور امنگوں کی تشکیل میں گہرے طور پر پیوست ہیں۔جگتی میں میاں ڈیڈو کے 244 ویں یوم پیدائش کے موقع پر ان کی یادگار دیوستھان میں منعقدہ تقریب سے خطاب کرتے ہوئے دیویندر رانا نے جموں اور شاندار ڈوگرہ ثقافت کے وقار اور عزت کے تحفظ کی پائیدار اہمیت کو دہرایا اور مزید کہا کہ’’ ہمارے ورثے کا جوہر، ہماری بھرپور تاریخ، متحرک ثقافت اور پرانی روایات سے گہرا روبطہ ہے ‘جو ہماری شناخت کی بنیاد کا کام کرتا ہے۔انہوں نے کہاکہ جموں کی عزت وڈوگرہ غرور پر کبھی سمجھوتہ نہیں کیا جائے گا۔رانا نے کہا کہ ’’وہ مختلف حقوق کیلئے ڈوگروں کی جدوجہد کے جذبے کو مجسم کرتے ہیں ،کسانوں کے حقوق، مساوات، سماجی انصاف، اور آزادی فکر اور شناخت ،یہ سب بے پناہ بہادری کے عمل کو ان کی یاد میں منایا جاتا ہے ۔موصوف نے کہاکہ ’’میاں ڈیڈو جی کا 244 واں یوم پیدائش، ان کی میراث ہمیں یاد دلاتی ہے کہ مصیبت کے وقت بھی صحیح کے لئے کھڑے ہونے کی اہمیت ہے‘‘۔ انہوں نے کہا کہ ’’میاں ڈیڈو کی زندگی ہمت، ہمدردی اور حکمت کی لازوال خوبیوں اور ان کی بہادری کی داستانوں کو مجسم کرتی ہے، جو کہ لوک داستانوں اور ادب میں بیان کی گئی ہیں‘۔انہوں نے مزید کہا کہ ان کی غیر متزلزل عزم انصاف اور راستبازی کے لئے میاں ڈیڈو کی مثالی زندگی انسانیت اور ہماری نوجوان نسل کیلئے مشعل راہ ہے۔رانا نے کہا کہ ڈوگرہ ورثہ محض نوادرات یا کہانیوں کا مجموعہ نہیں ہے، یہ ایک زندہ ورثہ ہے جو ہمیں اپنی جڑوں سے جوڑتی ہے، ہمیں اپنے آباؤ اجداد کی قربانیوں اور فتوحات کی یاد دلاتی ہے۔انہوں نے کہا کہ جموں اپنی مخصوص اخلاقیات اور متحرک جذبے کے ساتھ اپنے لوگوں بالخصوص ڈوگروں کی لچک اور بہادری کا منہ بولتا ثبوت ہے، جن کی میراث وقت کی تاریخ میں لکھی ہوئی ہے۔رانا نے زور دے کر کہا کہ اس انمول ورثے کے رکھوالوں کی حیثیت سے، جو کہ روایات، فن، زبان اور بہادری کا خزانہ ہے، نہ صرف ہماری تعریف کی مستحق ہے بلکہ یہ ہماری اجتماعی ذمہ داری ہے کہ ہم اس کے تحفظ اور آئندہ نسلوں کے لئے اس کی ترویج و اشاعت کو یقینی بنائیں۔رانا نے کہا کہ وزیر اعظم نریندر مودی کی ہندوستان کے متنوع ثقافتی ٹیپسٹری کے تحفظ اور فروغ کے لئے غیر متزلزل عزم ڈوگرہ برادری کے قابل قدر ورثے کیلئے انتہائی اہم ہے ۔
