عظمیٰ نیوز سروس
سرینگر//وزیر اعلیٰ عمر عبداللہ نے شیرِ کشمیر یونیورسٹی آف ایگریکلچرل سائنسز اینڈ ٹیکنالوجی آف کشمیرکو موریل (گچی) کھمبیوں کی تحقیق اور ترقی میں ایک اہم سائنسی پیش رفت حاصل کرنے پر دلی مبارکباد پیش کی ہے۔وزیر اعلیٰ، جو یونیورسٹی کے پرو چانسلر بھی ہیں، نے یونیورسٹی کے شاندار کارنامے کو سراہتے ہوئے کہا کہ یہ پیش رفت SKUAST-K کی سائنسی مہارت اور اعلیٰ قیمت کے قدرتی وسائل کے فروغ کے لیے غیر متزلزل عزم کی عکاسی کرتی ہے۔ وزیر اعلیٰ نے کہا کہ یہ ترقی خاص طور پر پہاڑی اور دیہی علاقوں میں ذریعہ معاش کو بڑھانے کے بے پناہ امکانات رکھتی ہے جہاں موریل کھمبیاں ایک اقتصادی اثاثہ اور روایتی ورثے کا لازمی حصہ ہیں۔انہوں نے اس بات پر زور دیا کہ یونیورسٹی کی کوششیں پائیدار کاشت، قدر میں اضافے اور آمدنی میں اضافے کے لیے نئی راہیں کھولنے کے لیے تیار ہیں۔وزیر اعلیٰ نے اس تحقیق میں شامل سائنسدانوں کی سرشار کاوشوں کو بھی ریکارڈ میں رکھا۔
