مزید خبریں

جموں//کوئلے کی کان کے کارکنوں نے کمشنر سیکرٹری کان کنی اور جنرل ایڈمنسٹریشن ڈیپارٹمنٹ منوج کمار دویدی کا شکریہ ادا کیا کہ انہوں نے جموں و کشمیر منرلز لمٹیڈ کے کام کو ہموار کرنے کے علاوہ ان کے دیرینہ مسائل کو حل کیا ۔ راجیش گپتا ، عبدالغفور اور متھلیش یادو نے کمشنر سیکرٹری کا شکریہ ادا کیا کہ وہ کوئلے کی کان کے مزدوروں کی تنخواہ کی باقاعدگی سے اجراء کو یقینی بنائیں جو بصورت دیگر اس اکاؤنٹ پر کافی مشکلات کا سامنا کر رہے تھے ۔ اس کے علاوہ اس موقع پر موجود ریٹائیر ہونے والوں نے سی او ایل اے کے بقایا جات کی ادائیگی پر اظہار تشکر کیا جو کئی سالوں سے زیر التوا تھا ۔ ملازمین نے ساتویں تنخواہ کمیشن کے نفاذ کو بھی سراہا ۔ کمشنر سیکرٹری نے کارپوریشن کی آمدنی میں اضافے کیلئے اس کی تعریف کرتے ہوئے کارکنوں پر زور دیا کہ وہ کارپوریشن کو ایک متحرک ادارہ بنانے کیلئے مزید جوش اور لگن کے ساتھ کام کریں۔ منیجنگ ڈائریکٹر جے اینڈ کے منرلز لمٹیڈ وکرم کے گپتا نے تمام  ملازمین کی طرف سے کارپوریشن کے کام میں گہری دلچسپی لینے اور ذاتی مداخلت سے ان کے مسائل کو حل کرنے پر کمشنر سیکرٹری کا شکریہ ادا کیا ۔ اس موقع پر جیالوجی اینڈ مائیننگ ڈیپارٹمنٹ کے ڈائریکٹر او پی بھگت ، مالیاتی مشیر اور جے اینڈ کے منرلز لمٹیڈ کے سینئر افسران بھی موجود تھے ۔ 

 

 

 

جموں//قبائلی علاقوں میں جی پی ڈی پی کی تیاری کے لئے دو روزہ کپسٹی بلڈنگ ٹریننگ پروگرام کا پنچایت بھون جموں میں اِفتتاح کیا گیا۔ اِس تربیتی پروگرام کا اہتمام نیشنل ٹرائبل ریسرچ اِنسٹی چیوٹ نے قبائلی ریسرچ انسٹی چیوٹ جموں و کشمیر کے اشتراک سے کیا ہے۔کپسٹی بلڈنگ ٹریننگ پروگرام میں قبائلی پنچایتوں کے منتخب نمائندوں ، اَفسران وملازمین اور ماسٹر ٹرینروں سمیت زائد اَز 100 شرکأ نے شرکت کی ۔ یہ پروگرام جنجاتیہ گورو سپتہ کے ایک حصے کے طور پر منعقد کیا گیا ہے جو 15 ؍ نومبر کو برسا منڈ ا کے یوم پیدائش پر شروع ہوا ہے۔اِفتتاح خطاب جوائنٹ سیکرٹری مرکزی وزارتِ قبائلی اَمور نے پیش کیا۔سیکرٹری قبائلی اَمور جموںوکشمیر ڈاکٹر شاہد اِقبال چودھری نے کہا کہ کپسٹی بلڈنگ پروگرام نہ صرف شرکأ کو جی پی ڈی پی کے مختلف پہلوئوں کے بارے میں آگاہ کرنے میں مدد دے گا بلکہ انہیں حکومت کے مختلف اقدامات کے بارے میں بھی آگاہ کرے گا۔ اُنہوں نے شرکأ پر زور دیا کہ وہ تربیتی پروگرام میں گہری دلچسپی لیں کیوں کہ یہ پروگرام نچلی سطح کی جمہوریت کو مضبوط بنانے میں مدد دے گا کیوں کہ پی آر آئیز کو جی پی ڈی پی کے مختلف پہلوئوں سے آگاہ کرنے وہ اَپنے علاقوں کی  قبائلی طبقوں کی ترقی میں فعال کردار اَدا کرسکتے ہیں۔اُنہوں نے قبائلی اَمور محکمہ کے قبائلی برادریوں کی فلاح و بہبود اور قبائلی علاقوں کی ترقی کے لئے کئے گئے مختلف اقدامات پر روشنی ڈالتے ہوئے کہا کہ محکمہ نے حال ہی میں نقل مکانی کرنے والی آبادی کا قبائلی سروسے کیا ہے اور ایسی آبادی کی فلاح و بہبود کے لئے قبائلی ٹرانزٹ رہائش گاہیں تعمیر ہو رہی ہے۔اُنہوں نے قبائلی برادریوں کی فلاح و بہبود کے لئے مختلف سکیموں کے بارے میں بات کرتے ہوئے کہا کہ محکمہ کی طرف سے شروع کی گئی مختلف سکیموں میں 835 منی شیپ فارموں کی ترقی شامل ہے جس کے لئے یوٹی کیپکس بجٹ سکیم ’’ اِنفرادسٹرکچر فار دی ویلفیئر آف قبائل ‘‘ کے تحت فنڈس جاری کئے گئے ہیں ۔بھیڑ پالن محکمہ کی ’’ انٹگریٹیڈ شیپ ڈیولپمنٹ سکیم ( آئی ایس ڈی ایس) کے تحت 18 دودھ دیہاتوں کو منظوری دی گئی ہے ،جموں و کشمیر یوٹی کے مختلف اَضلاع میں29 کلسٹر ٹرائبل ماڈل ولیجز زیر ترقی ہیں جن میں ہر ایک پروجیکٹ کی لاگت 1000 لاکھ روپے ہے۔ اُنہوں نے مزید کہا کہ ٹرائبل ریسرچ انسٹی چیٹ قبائلی ثقافتی ورثے کی ترقی اورتحفظ پر بھی کام کر رہا ہے،  قبائلیوں اور قبائلی امور سے وابستہ افراداور اِداروں کی استعداد کار میں اِضافہ، معلوماتی ترسیل اور بیداری پیدا کر رہا ہے اور کپسٹی بلڈنگ پروگرام اس کا ایک مقصد ہے۔اُنہوں نے سامعین سے خطاب کرتے ہوئے کہا کہ مستقبل قریب میں اِس طرح کی کپسٹی بلڈنگ ٹریننگ پروگرام ضلع اور بلاک سطح پر بھی منعقد کئے جائیں گے۔ٹریننگ پروگرام میں دیگر لوگوں کے علاوہ سپیشل ڈائریکٹر نیشنل ٹرائبل ریسرچ اِنسٹی چیوٹ آئی آئی پی اے ، نئی دہلی ڈاکٹر نوپور تیواری، ڈائریکٹر قبائلی امور جموںوکشمیر ایم اے مرزا، سپیشل سیکرٹری ( ریٹائرڈ) مرکزی پنچایت راج وزارت،او ایس ڈیز مشن یوتھ جے اینڈ کے ڈاکٹر بالا پرساد نے شرکت کی۔

 

 

 جموں//مہاجرین کی مصالحتی واپسی اور باز آبادکاری نے حیدر پورہ انکاؤنٹر کی تحقیقات کا مطالبہ کیا۔بیان میں، مہاجرین کی مفاہمت، واپسی اور بحالی کے چیئرمین، ستیش مہلدار نے کہا کہ: "حیدر پورہ واقعہ قتل عام، ایک انسان کو دوسرے انسان کے ذریعے قتل کرنے کا واضح کیس لگتا ہے۔"انہوں نے ایک بیان میں کہا کہ ’’قتل غیر منصفانہ ہے، ایک انسان کو دوسرے انسان کے ذریعے پہلے سے سوچے سمجھے قتل کرنا۔انہوں نے کہا کہ "پیر کی گولی باری میں ہلاک ہونے والے چار میں سے دو کے اہل خانہ نے واضح طور پر پولیس کے موقف سے اختلاف کیا ہے۔""دہشت گردی واضح طور پر انسانی حقوق پر بہت حقیقی اور براہ راست اثر ڈالتی ہے، جس کے تباہ کن نتائج زندگی کے حق، آزادی اور متاثرین کی جسمانی سالمیت پر پڑتے ہیں۔ ان انفرادی اخراجات کے علاوہ، دہشت گردی سول سوسائٹی کو کمزور کرتی ہے، امن اور سلامتی کو خطرے میں ڈالتی ہے، اور کشمیر کی سماجی اور اقتصادی ترقی کو خطرہ بناتی ہے۔انہوں نے مزید کہا کہ ان تمام چیزوں نے ہر ایک کشمیری کے انسانی حقوق پر حقیقی اثر ڈالا ہے چاہے وہ کسی بھی مذہب سے ہو۔انہوں نے مزید کہا، "فوجداری قانون کا حتمی مقصد دوسروں کے حملے کے خلاف ذاتی آزادی کے حق کا تحفظ ہے – لاقانونیت کے مرتکب افراد کے خلاف کمزوروں کا تحفظ"۔انہوں نے مزید کہا کہ: "حیدر پورہ واقعہ کے معاملے میں، یہ سراسر خود غرضی، لالچ اور عدم برداشت کا معاملہ ہے جو دوسرے شہریوں کی جان، آزادی اور املاک سے محروم ہونے کا باعث بنتا ہے، جس کی وجہ سے ریاست کو تحفظ کے لیے قدم اٹھانے کی ضرورت ہوتی ہے۔"انہوں نے زور دیا کہ ڈائریکٹر جنرل (انوسٹی گیشن) جے اینڈ کے پولیس کو پانچ ارکان پر مشتمل ایک تفتیشی ٹیم تشکیل دینی چاہئے جس میں ایک سینئر سپرنٹنڈنٹ آف پولیس، دو ڈپٹی ایس پیز اور دو انسپکٹر ہوں تاکہ حیدر پورہ واقعہ کی حقائق تلاش کرنے کی انکوائری کی جا سکے۔

 

 

جموں// بی ایس ایف کے دستوں نے بدھ کے روز جموں و کشمیر کے سانبہ ضلع میں ایک پرانا مارٹر گولہ برآمد کیا اور اسے ناکارہ بنا دیا۔عہدیداروں نے بتایا کہ پرانا اور زنگ آلود خول چاچوال گاؤں میں ایک کسان کے کھیت سے ملا ہے۔انہوں نے بتایا کہ بم ڈسپوزل اسکواڈ نے بعد میں مارٹر شیل کو تباہ کر دیا اور ایک ممکنہ سانحہ ٹل گیا۔

 

 

 

جموں//جموں و کشمیر کے ادھم پور ضلع کے جنگلاتی علاقے میں بدھ کے روز جنگلی ریچھ کے حملے میں ایک 18 سالہ نوجوان زخمی ہو گیا۔ انہوں نے بتایا کہ قریبی پنچاری گاؤں سے تعلق رکھنے والا یہ لڑکا جنگل کی پٹی سے گزر رہا تھا جب اس پر ریچھ نے حملہ کر دیا۔مقامی لوگ اس کی چیخیں سن کر علاقے میں پہنچے اور اسے بچا لیا، انہوں نے مزید کہا کہ وہ متعدد زخمیوں کے ساتھ اسپتال میں داخل ہے۔

 

 

 

جموں: منشیات کی سمگلنگ اور منشیات کے استعمال کے خلاف اپنی مہم کو جاری رکھتے ہوئے جموں پولیس نے ٹی سی پی نگروٹہ کے قریب ناکہ چیکنگ کے دوران دو منشیات فروشوں سے 380 کلو گرام پوست کا بھوسا برآمد کرکے بڑی کامیابی حاصل کی۔دونوں ایک گاڑی میں آ رہے تھے جس کا رجسٹریشن نمبر PB10 HH 6135 تھا۔پولیس نے بتایا کہ پولیس سٹیشن نگروٹہ اور ایس او جی جموں کی سرشار پولیس ٹیموں نے ایس ایچ او پی ایس نگروٹہ انسپکٹر محمد شوکت کی قیادت میں ایک فعال ناکہ لگایا۔پولیس ٹیم نے دو مشتبہ افراد کو روک کر تلاشی لینے پر 380 کلو گرام پوست برآمد کر لیا۔ملزمان کی شناخت تلویندر سنگھ ولدبلدیو سنگھ ساکن دھالیوال چوک لدھیانہ اور جگدیپ ولد ہنس راج ساکن تاج پور لدھیانہ کے طور پر کی گئی ہے۔اس پر پولیس اسٹیشن نگروٹہ میں مقدمہ ایف آئی آر نمبر 430/2021 U/Ss 8/15/25 NDPS ایکٹ درج کیا گیا ہے اور ملزمان گرفتار ہیں۔مجموعی طور پر گرفتاری اور بازیابی ایس ڈی پی او نگروٹہ پروپکر سنگھ کی نگرانی میں کی گئی اور کیس کی مزید تفتیش جاری ہے۔

 

 محمد تسکین

 بانہال // قصبہ بانہال میں نوجوانوں میں منشیات کی بڑھتی لت کے مضمر اثرات اور اس سے بچاؤ کیلئے محکمہ ڈرگ کنٹرول اینڈ فوڈ کنٹرول کی طرف سے ایک بیداری کیمپ کا انعقاد کیا گیا جس میں مقامی کمیسٹوں نے شرکت کی جبکہ اس موقع پر کنٹرولر ڈرگ اینڈ فوڈ کنٹرول آرگنائزیشن جموں و کشمیر محترمہ لوتیکا کھجوریہ کی صدارت میں بات چیت اور نشست کا انعقاد کیا گیا۔ اس موقع پر سریندر موہن تیکو اسسٹنٹ ڈرگ کنٹرولر ، محمد اقبال پالا اسسٹنٹ ڈرگ کنٹرولر جموں، رینوکا رینا اسسٹنٹ ڈرگ کنٹرولر رام بن/اْدھم پور، تاجویر سنگھ ڈرگ انسپکٹر ادھم پور اور امتیاز احمد ڈرگ انسپکٹر ضلع رامبن موجود تھے اور منشیات کی بدعت کے خلاف روشنی ڈالی۔ ڈرگ کنٹرولر لوتیکا نے کھجوریہ نے منشیات کی بدعت کے خاتمے کیلئے اور اس سے نوجوانوں نسل کو بچانے کیلئے مقامی کیمسٹ ایسوسی ایشن کے تعاون اور ان کے نعال کردار پر زور دیتے ہوئے کہا ہم سب مل کر اس بدعت سے سماج کو بچا سکتے ہیں تاکہ ایک ایک اچھے اور معاشرے اور سماج کو وجود بخشا جا سکے۔ انہوں نے والدین اور اساتذہ سے اپیل کی کہ وہ اپنے اپنے بچوں کا خاص خیال رکھیں اور انکی روزمرّہ کی سرگرمیوں پر نظر رکھیں تاکہ وہ سماج میں پھیلی منشیات کی بدعت میں پھنس نہ جائیں۔ کیمسٹ ایسوسیشن بانہال نے ڈرگ کنٹرولر کی قیادت میں بانہال میں آئی ٹیم کا شکریہ ادا کرتے ہوئے کہا کہ منشیات کی بدعت کو جڑ سے اکھاڑ پھینکنے کیلئے وہ پہلے سے ہی سرگرم ہیں اور اس سلسلے میں ہمارا تعاون ہمیشہ میسر رہے گا۔

 

 

 

عاصف بٹ

کشتواڑ//ایس ایس پی کشتواڑ شفقت حسین بٹ کی ہدایت پر ڈی ایس پی ڈی آئی آر ضیاء الحق نے چھاترو علاقے کا دورہ کیا اور علاقہ میںسیکورٹی صورتحال کا جائزہ لیاجبکہ ڈاک بنگلو چھاترو میں پولیس کمیونٹی پارٹنرشپ گروپ میٹنگ منعقد کی۔ میٹنگ میں علاقے کے معززین، ڈی ڈی سی ممبر ، سرپنچ، پنچ، بزرگ شہریوں اور نوجوانوں نے شرکت کی۔ میٹنگ کے دوران شرکاء نے مختلف مسائل اٹھائے جنھیں ڈی ایس پی  نے سنا اور شرکاء کو یقین دلایا کہ پولیس سے متعلق مسائل کو کشتواڑ پولیس کے اعلیٰ افسران کے ساتھ اٹھایا جائے گا جبکہ سول محکمہ کے دائرہ اختیار والے مسائل کو متعلقہ محکمہ کے ساتھ اٹھایا جائے گا تاکہ ان کا جلد ازالہ ہوسکے۔میٹنگ کے دوران ڈی وائی ایس پی ڈار ضیاء الحق نے شرکا کو بری سرگرمیوں سے آگاہ کیا اور نشے، شراب نوشی سے بچنے اور ملک دشمن سرگرمیوں میں ملوث ہونے سے گریز کرنے کی تلقین کی۔ شرکاء کو مشورہ دیا گیا کہ وہ اس سلسلے میں ہوشیار رہیں اور ان شرپسندوں کی معلومات شیئر کریںجن کی سرگرمیاں سماج دشمن ہیں تاکہ پولیس ان کے خلاف قانون کے مطابق کارروائی کر سکے۔

 

 

عاصف بٹ

کشتواڑ//عوامی مسائل کو ترجیحی بنیادوں پر حل کرنے کے لئے ضلع ترقیاتی کونسل کشتواڑ کی چیئرپرسن پوجا ٹھاکر و ڈی ڈی سی ممبر کشتواڑ ذاکر حسین بٹ نے BT-1 کے علاقوں سیمنا کالونی اور ملحقہ علاقوں کا دورہ کیا۔ سڑک اور پانی کی فراہمی سے متعلق مسائل کا موقع پر ہی ازالہ کرتے ہوئے دونوں محکموں کے افسران اور اہلکاروں کو ہدایت کی گئی کہ وہ بروقت اس کے ازالے کو یقینی بنائیں۔ مقامی لوگ محکمہ دیہی ترقی، پی ایچ ای کی لاپرواہی پر سخت ناراض تھے جنہوں نے علاقے کی طرف آنکھیں بند کر رکھی تھی۔ڈی ڈی سی ممبر کشتواڑ ذاکر بٹ نے اس بات کو یقینی بنایا کہ اسے اعلیٰ حکام کی نوٹس میں لایا جائے گا اور اس بار افسروں کی کسی بھی قسم کی غفلت اور غیر سنجیدہ رویہ پر سنجیدگی سے نمٹا جائے گا۔انہوں نے مزید کہا کہ سرکاری افسران کی طرف سے عام عوام کو کسی بھی قسم کی ہراساں کرنے سے باز رکھا جائے گا اور زمینی سطح پر ہمہ گیر ترقی کو یقینی بنایا جائے گا۔مقامی لوگوں کو یقین دلایا گیا کہ مذکورہ علاقے کی ترقی کو یقینی بنانے میں کوئی کسر نہیں چھوڑی جائے گی۔اس موقع پر مقامی سرپنچ، بلاک ڈیولپمنٹ آفیسر و علاقہ کے مقامی لوگ بھی موجود تھے۔

 

 

 

اشتیاق ملک 

ڈوڈہ //جموں کشمیر پردیش کانگریس کمیٹی کے سابق وزراء، قانون سازیہ ارکان، ضلع و بلاک سطح کی طرف سے اپنے عہدوں سے مستعفی ہونے پر چناب ویلی ڈویژنل سٹیٹس مومنٹ کے رکن اصغر کھانڈے نے شدید ردعمل کا اظہار کرتے ہوئے کہا کہ یہ عوام کو گمراہ کرنے کا ایک بہانہ ہے۔میونسپل کمیٹی چیئرمین ٹھاٹھری منصور احمد، کونسلر و ضلع صدر اپنی پارٹی اصغر کھانڈے، کونسلر محمد رفیع شیخ نے پریس کانفرنس سے مخاطب ہوتے ہوئے کہا کہ اگر یہ لیڈر عوام کے خیر خواہ ہوتے تو پھر 5 اگست 2019 کے بعد ہی استعفیٰ کیوں نہیں دیا۔ انہوں نے الزام لگایا کہ جب یہ لوگ برسر اقتدار تھے تب عوام کا استحصال کیا اور اب مگر مچھ کے آنسوؤں بہا رہے ہیں۔ضلع صدر اپنی پارٹی و چناب ڈویژنل سٹیٹس موومنٹ کے بانی رکن اصغر کھانڈے نے کہا کہ خطہ چناب کو ہل ڈیولپمنٹ کونسل دینے کے لئے کانگریس نے کوئی قدم نہیں اٹھایا اور نہ ہی اس تحریک کو آگے بڑھنے دیا۔ انہوں نے کہا کہ آج ان لیڈروں کی پارٹی میں کوئی شنوائی نہیں ہوتی 

ہے اور اس لئے اپنے ذاتی مفادات کی خاطر مستعفی ہونے کا ڈرامہ کیا۔ کھانڈے نے کہا کہ اگر ریاست کی بحالی کو لے کر یہ لوگ استعفیٰ دیتے تو ہم مانتے کہ یہ عوام کے ہمدرد ہیں۔انہوں نے خطہ چناب کے سبھی سیاسی و سماجی تنظیموں و عام لوگوں سے اس خطہ کو صوبائی درجہ دینے کی تحریک میں شامل ہونے کی اپیل کی۔

 

 

 

جموں//اپنی پارٹی صوبائی صدر جموں اور سابقہ وزیر منجیت سنگھ نے جموں وکشمیر میں بے روزگاری کے مسئلے کو حل کرنے میں حکومت کی عدم دلچسپی اور سرد مہری پر گہری تشویش کا اظہار کیا ہے۔ انہوں نے یہ بیان پارٹی دفتر گاندھی نگر میں یوتھ ونگ کی ایک میٹنگ کے دوران دیا۔ جس میں جموں وکشمیر کے اندر نوجوانوں کو درپیش مسائل ومشکلات ، سرکاری ونجی سیکٹر میں روزگارکے مواقعے محدود ہونے پر تفصیلی غوروخوض ہوا۔ انہوں نے کہا’’حکومت نوجوانوں سے کہ رہی ہے کہ وہ اپنا کاروبار شروع کریں اور وہ اُن کی مدد کرے گی لیکن عملی طور نوجوانوں کی حمایت نہیں ہورہی۔ قرضہ حاصل کرنے کا عمل بہت زیادہ مشکل ہے جس وجہ سے کوئی کام شروع کرنے سے ہی پہلے ہی نوجوان مایوسی کا شکار ہیں‘‘۔ انہوں نے کہاکہ حکومت بے روزگارنوجوانوں کو روزگار فراہم کرنے کے لئے سنجیدہ اقدامات اُٹھائے۔ انہوں نے مزید کہاکہ سرکاری سیکٹر میں بھی نوکریوں کے امکانات نہیں کیونکہ جموں وکشمیر پولیس کی طرف سے مشتہر کی گئی سب انسپکٹروں کی آسامیوں کے بھرتی عمل میں بہت سے نوجوان حصہ لینے کے اہل نہیں، نوجوان حکومت سے مطمئن نہیں اور وہ عمر کی حد33سے بڑھاکر35کرنا چاہتے ہیں، جموں وکشمیر اِس وقت مشکل وقت سے گذر رہا ہے اور اس لئے ایسے معاملات پر خصوصی توجہ دینی چاہئے۔ انہوں نے مطالبہ کیاکہ خالی پڑی آسامیوں کو جلد مشتہر کر کے بھرتی عمل تیز کیاجائے۔دریں اثناء ریاستی جنرل سیکریٹری یوتھ ونگ ابہے بقایہ نے وہ نوجوانوں کے مسائل کو اُجاگر کرنے میں کوئی بھی دقیقہ فروگذاشت نہ چھوڑیں گے،نوجوانوں کے مسائل صرف روزگار تک ہی محدود نہیں بلکہ پڑھائی، نفسیاتی تناؤ اور دیگر معاملات بھی حل طلب ہیں۔ انہوں نے مزید کہاکہ نوجوانوں میں مایوسی، بے بسی اور اعلیحدہ پن کا احساس پایاجاتاہے کیونکہ حکومت کوئی توجہ نہیں دے رہی۔