یو این آئی
نئی دہلی// آنے والے دنوں میں ہندستان تہواروں کے موسم سے سرشار ہوگا اور ملک کے ہر کونے میں جشن منایا جائے گا۔ آسام کے لوگ رونگالی بیہو منائیں گے ، جب کہ اڈیشہ میں مہا بشوبا پنا سنکرانتی کا تہوار منایا جائے گا۔ مغربی بنگال میں پوئیلا بوئیشاکھ بنگالی نیا سال خوش آمدید کہے گا اور کیرالہ میں وشو بڑے جوش و خروش کے ساتھ منایا جائے گا۔ تمل ناڈو میں پتھنڈو کا جشن منایا جائے گا، جب کہ پنجاب اور شمالی ہندستان کے دیگر حصوں میں بیساکھی منائی جائے گی، جو امید اور مثبت سوچ کے جذبے کو فروغ دے گی۔ میں ہندستان اور دنیا بھر میں ان تمام لوگوں کو نیک خواہشات پیش کرتا ہوں ، جو ان تہواروں کو منا رہے ہیں۔ میری دعاء ہے کہ یہ مبارک مواقع ہر کسی کی زندگی میں خوشی اور خوشحالی لے کر آئیں۔ ان خیالات کا اظہار وزیراعظم نریندر مودی نے یہاں جاری ایک مضمون میں کیا۔مودی نے بدھ کے روز پردھان منتری مدرا یوجنا کی 11ویں سالگرہ کے موقع پر اس کے اثرات کو سراہتے ہوئے کہا کہ اس اسکیم نے خود روزگاری کو فروغ دینے اور ملک کے نوجوانوں کو خود کفیل بنانے میں اہم کردار ادا کیا ہے۔سوشل میڈیا پلیٹ فارم ‘ایکس’ پر ایک پوسٹ میں وزیر اعظم نے زور دیا کہ درست مواقع کی فراہمی ہی فرد اور قوم دونوں کی ترقی کی کلید ہے۔انہوں نے کہا کہ آج سے ٹھیک 11 سال پہلے شروع کی گئی پردھان منتری مدرا یوجنا نوجوانوں میں خود روزگاری کو فروغ دینے میں نہایت مددگار ثابت ہوئی ہے۔ اس اسکیم کی کامیابی یہ ظاہر کرتی ہے کہ جب صحیح مواقع فراہم کیے جائیں تو ایک فرد نہ صرف خود کفیل بن سکتا ہے بلکہ قوم کی ترقی میں بھی حصہ ڈال سکتا ہے۔ خود شناسی آغاز ہے اور صبر و برداشت ہی دھرم کی مضبوطی ہے۔انہوں نے مزید کہا کہ جو شخص مشکلات سے پریشان نہیں ہوتا، وہی حقیقی معنوں میں دانشمند کہلاتا ہے۔مرکزی وزیر داخلہ امیت شاہ نے بھی ‘ایکس’ پر پوسٹ کرتے ہوئے کہا کہ گزشتہ 11 برسوں میں پردھان منتری مدرا یوجنا کے تحت 58 کروڑ سے زائد بغیر ضمانت کے قرضے، جن کی مجموعی مالیت 40 لاکھ کروڑ روپے سے زیادہ ہے، تقسیم کیے گئے ہیں، جس سے ملک بھر میں خود روزگاری اور چھوٹی صنعتوں کو مضبوطی ملی ہے۔امیت شاہ نے کہا کہ اس اسکیم نے چھوٹے تاجروں، اسٹارٹ اپس اور نوجوانوں کو مالی وسائل تک رسائی بہتر بنا کر بااختیار کیا ہے۔انہوں نے کہا کہ مودی حکومت کے تحت چھوٹے تاجروں اور اسٹارٹ اپس کو بغیر ضمانت قرض فراہم کر کے خود روزگاری اور چھوٹی صنعتوں کو نئی طاقت دی گئی ہے۔ ان 11 برسوں میں اس فلاحی اسکیم کے تحت 58 کروڑ سے زائد قرضے، جن کی مالیت 40 لاکھ کروڑ روپے سے زیادہ ہے، فراہم کیے گئے، جس سے 12 کروڑ نوجوان مستفید ہوئے اور خود کفیل ہندوستان کی تعمیر میں نئی توانائی پیدا ہوئی۔انہوں نے مزید کہا کہ اس اسکیم سے خواتین کو بھی بڑا فائدہ پہنچا ہے۔انہوں نے کہا کہ یہ ایک تاریخی کامیابی ہے کہ ہر تین مدرا قرضوں میں سے دو خواتین کو دیے جا رہے ہیں، جو خواتین کو بااختیار بنانے اور خود کفالت کی سمت میں اہم قدم ہے۔
پردھان منتری مدرا یوجنا کا آغاز وزیر اعظم نریندر مودی نے 8 اپریل 2015 کو کیا تھا، جس کا مقصد نچلی سطح پر کاروبار کو فروغ دینا اور غیر کارپوریٹ و غیر زرعی آمدنی والے کاموں کے لیے آسان اور بغیر ضمانت قرض (20 لاکھ روپے تک) فراہم کرنا ہے۔
