عظمیٰ نیوز سروس
نئی دہلی// دہلی کی ایک عدالت نے جمعرات کو لال قلعہ دھماکہ کیس کے ملزم جاسر بلال وانی کو7 دن کے لیے قومی تحقیقاتی ایجنسی کی تحویل میں بھیج دیا۔وانی کو ایجنسی نے پیش کیا کیونکہ پرنسپل سیشن اور ڈسٹرکٹ جج، انجو بجاج چاندنا کی طرف سے دی گئی18نومبر کو 10 دن کی تحویل آج ختم ہونے والی تھی۔ اننت ناگ کے قاضی گنڈ کے رہائشی، وانی کو 17 نومبر کو این آئی اے نے سرینگر میں ڈرون میں ترمیم کرنے اور 10 نومبر کے دھماکے سے پہلے راکٹ بنانے کی کوشش کے لیے مبینہ طور پر ملی ٹینٹ حملوں کو انجام دینے کے لیے تکنیکی مدد فراہم کرنے کے الزام میں گرفتار کیا تھا۔
