بلال فرقانی
سرینگر+جموں//انڈیگو فلائٹ آپریشن میں رکاوٹوں کے درمیان سرینگر اور جموں ہوائی اڈوں پر 10 پروازیں منسوخ کر دی گئیں۔ اسکے علاوہ ایک اور پرائیویٹ ائر لائن کی پرواز بھی منسوخ کی گئی۔سرینگر اور جموںکے بین الاقوامی ہوائی اڈوں پر فلائٹ آپریشن ہفتہ کو مسلسل تیسرے دن بھی جزوی طور پر متاثر رہا کیونکہ انڈیگو نے کئی طے شدہ خدمات کو منسوخ کرنا جاری رکھا۔حکام نے بتایا کہ اس دن کے لیے 64 پروازوں کی نقل و حرکت – 32 آمد اور 32 روانگیوں کا منصوبہ بنایا گیا تھا۔ ایئر لائن نے صبح کے وقت 14 سروسز منسوخ کر دیں، جن میں سات آمد اور سات روانگی شامل ہیں۔عہدیداروں نے مزید کہا کہ دوسرے کیریئرز کے ذریعہ چلائی جانے والی دو اضافی پروازیں ایک آمد اور ایک روانگی کو بھی منسوخ کردیا گیا ، جس سے منسوخ شدہ نقل و حرکت کی کل تعداد صبح 8 بجے تک 16 ہوگئی۔ انہوں نے کہا کہ پہلے آپریشنل گھنٹوں میں کوئی بڑی تاخیر کی اطلاع نہیں ملی۔ہوائی اڈے کے حکام کے مطابق، دیگر ایئر لائنز معمول کے مطابق کام کرتی رہیں، اور باقی پروازوں کا شیڈول برقرار تھا۔انڈیگو نے ہفتہ کو جموں ہوائی اڈے سے اپنی 11 میں سے 9 پروازوں کو دوبارہ شروع کیا، لیکن ایئر لائن کے پائلٹ-روسٹرنگ مسائل کی وجہ سے ملک گیر رکاوٹوں کی وجہ سے سرینگر سے سات پروازیں منسوخ کر دیں۔جموں سے پروازوں کے دوبارہ شروع ہونے سے ان مسافروں کو انتہائی ضروری مہلت ملی جو کئی منسوخیوں کے بعد ہوائی اڈے پر پھنسے ہوئے تھے۔ اس کے برعکس سرینگر بین الاقوامی ہوائی اڈے پر کل آٹھ پروازیں سات انڈیگو کے ذریعے چلائی گئیں ،منسوخ ہو گئیں۔حکام نے بتایا کہ ایئر لائن نے ہفتے کے روز سرینگر کے ہوائی اڈے سے 36 پروازیں چلانی تھیں، جن میں سے 18 ان بانڈ اور 18 آٹ بانڈ تھیں۔تاہم، روسٹرنگ مسائل کی وجہ سے، سات آنے والی اور اتنی ہی روانہ ہونے والی پروازیں منسوخ کر دیں گئیں۔انہوں نے کہا کہ ایک علیحدہ ایئر لائن سے دوسری پرواز کی آمد و رفت کو بھی منسوخ کر دیا گیا تھا۔9 خدمات جموں ہوائی اڈے پر شیڈول کے مطابق چلیں گی۔ دو پروازیں جموں کو ممبئی اور حیدرآباد سے جوڑنے والی فی الحال معطل رہیں گی۔ پچھلے تین روز کے دوران جموں اور کشمیر میں ایڈیگو کی قریب 50پروازیں منسوخ کی گئیں۔جمعرات کو 10، جمعہ کو 28اور ہفتے کو مزید 10پروازیں منسوخ کی گئیں۔
