ہر انسان کی زندگی میںوہ وقت بھی آتا ہے جب اُسے دُکھ ،درد،پریشانی،مایوسی ،ناکامیاور مشکلات سے دوچار ہونا پڑتا ہے ،لیکن اس کا ہرگزیہ مطلب نہیں کہ زندگی جمود کا شکارہوگئی ہے ۔کیونکہ انسان کے لئے زندگی کا ہر پل ایک نئی سمت کی طرف رہنمائی کرتا ہے، جن مشکلات کا سامنااُسےآج کرنا پڑتا ہے، وہ اُس کے کل کیلئے ایک نئی طاقت بن جاتے ہیں۔گویا ہر کٹھن یا آسان راستہ اُسے کچھ نیا سکھاتا رہتا ہے اور یہی سیکھنے کا عمل اُس کی زندگی کی اصل حقیقت ہے۔ زندگی میں کامیاب ہونے کا اصل راز یہ نہیں کہ ہم کتنی جلدی اپنی منزل تک پہنچتے ہیں بلکہ یہ ہے کہ ہم اپنے سفر کے دوران کتنی محنت ، لگن اور عزم کے ساتھ کام کرتے ہیں۔ ہمیں اپنے افعال اور رویوں کا خیال رکھنا لازمی ہے کیونکہ ہماری زندگی کا اثر دوسروں پربھی پڑتا رہتا ہے۔ زندگی کی حقیقتوں کو سمجھنے کیلئے ضروری ہے کہ ہم اپنی داخلی دنیا کو بہتر بنائیں، جب تک ہم اپنے اندر کی طاقت کو نہیں پہچان نہیں پاتے،تب تک ہم باہر کی دنیا میں کوئی خاص کامیابی حاصل نہیں کرسکتے۔
انسان کے لئےداخلی سکون ، خود اعتمادی اور اپنے آپ کو قبول کرنا وہ عوامل ہیں جو نہ صرف انسان کو زندگی کے سخت لمحوںمیں مقابلہ کرنے میں مددگار ثابت ہوتےہیں بلکہ انسان کو ہر چیلنج کا سامنا کرنے کیلئے بھی تیارکرتے ہیں۔ زندگی میں کامیابی صرف وہ نہیں ہوتی جو بظاہرہم حاصل کرتے ہیںبلکہ وہ بھی ہوتی ہے جو ہم اپنے اندر سے سیکھتے ہیں اور دوسروں کیلئے کرتے ہیں۔ بے شک کوئی بھی انسان کامل نہیں ہوتا، ہر انسان سے غلطیاں ہوتی ہیں، غلطیاں وہ تجربے ہوتے ہیں جو انسان کو اپنی منزل تک پہنچاتے ہیں۔
ہر انسان کو یہ جان لینا چاہئے کہ زندگی میں چھوٹے لمحے اور چھوٹی کامیابیاں بڑی اہمیت رکھتی ہیں،لیکن ہم عموماً بڑی کامیابیوں کاانتظار کرتے ہیںاور ہمیں یہ احساس نہیں ہوتاکہ چھوٹے لمحات میں چھپی خوشیاں زیادہ اہم ہیں۔اس حقیقت سے بھی کسی کو انکار نہیں ہوسکتا ہے کہ زندگی کے سفر میں کبھی کبھارہر انسان کو دُکھ ،تکلیف ،مایوسی اور ناکامی کا شکار ہونا پڑتا ہے اور یہی وہ لمحے ہوتے ہیں جب اُسے اپنے اندر کی طاقت کو پہنچاننے کی ضرورت ہوتی ہے،کیونکہ ہر مشکل انسان کو کچھ نیا سکھانے کیلئے ہی آتی ہے اور جب وہ اِن مشکلات کا سامنا کرتے ہیں تو ایک نیا انسان بن کر اُٹھتے ہیں،گویا جو کچھ بھی ہمارے ساتھ ہورہا ہے، وہی ہماری زندگی کی اصل حقیقت کو سمجھنے میں مدد دیتا رہتا ہے۔ چنانچہ وقت کا گذرنا ایک معمول کی بات ہے مگر دراصل وقت بہت قیمتی ہوتا ہے۔ اس لئے ہمارے کیلئے ہر پل کا فائدہ اٹھانا ضروری ہے،ہمیں اپنی زندگی کے ہر دن کو ایک نئے موقع کی طرح دیکھنا چاہئے، جس میں ہم کچھ نیا سیکھ سکتے ہیں، کچھ بہتر کرسکتے ہیں اور اپنے مقصد کو حاصل کرنے کیلئے ایک قدم اور آگے بڑھ سکتے ہیں۔ زندگی کا ایک مقصد خوابوں کا تعاقب کرنا بھی ہے،جب ہم اپنے خوابوں کی طرف بڑھتے ہیں تو اپنی اصل صلاحیتوں کو دریافت کرکے ان کا بھرپور فائدہ اٹھاتے ہیں۔ خوابوں کا پیچھا کرنا کبھی بھی آسان نہیں ہوتا، لیکن جو لوگ اپنے خوابوں کو حقیقت میں بدلنے کی جستجو کرتے ہیں، وہ ہمیشہ کامیاب ہوتے ہیں۔
ظاہر ہے کہ ہمارے خواب ہمارےرہنما ہیں جو ہمیں ،ہماری منزل تک پہنچاتے ہیں اور ان خوابوں کو حقیقت میں بدلنے کیلئے ہمیں محنت ، لگن اور حوصلے کی ضرورت ہوتی ہے۔ اپنی فلاح وبہبود کیلئے کام کرنا ، اپنی صحت کا خیال رکھنا اور اپنے ذہن اور جسم کو متوازن رکھنا یہ سب ہماری زندگی کے اہم حصے ہیں ، ہم جتنا زیادہ اپنے آپ کو بہتر بنائیںگے، اتنا ہی ہم دوسروں کیلئے بہتر ثابت ہوسکتے ہیں ۔ زندگی کی سب سے بڑی حقیقت یہ ہے کہ ہماری خوشی ہمارے ہی ہاتھوںمیں ہے۔ہم کس طرح زندگی کو دیکھتے ہیں، اس پر کس طرح ردِ عمل دیتے ہیں اور کس طرح اپنے مقصد کو حاصل کرنے کیلئے قدم اُٹھاتے ہیں، اِسی سب کچھ سے ہم اپنی اور دوسروں کی خوشی کی تشکیل دیتےہیں۔ ہمیں یہ یاد رکھنا چاہئے کہ خوشی کسی بیرونی چیز پر منحصر نہیں ہوتی بلکہ یہ اندر سے آتی ہے، جب ہم اپنے اندر کی طاقت کو پہنچانتے ہیں اور اس پر یقین رکھتے ہیں تو ہم کسی بھی مشکلات کا سامنا کرسکتے ہیں اور اپنی زندگی کو خوشی سے جینے کے قابل بنا سکتے ہیں۔ زندگی ایک تحفہ ہے ہم اس تحفے کا بھرپور فائدہ اٹھاسکتے ہیں۔
