سمیت بھارگو
راجوری//راجوری کے گمبھیر مغلاں علاقے میں ڈوری مال کے گھنے جنگلات میں سیکورٹی فورسز اور ملی ٹینٹ کے درمیان جاری تصادم جمعہ کو مسلسل ساتویں دن میں داخل ہو گیا ہے، فورسز نے جنگلاتی پٹی میں چھپے ملی ٹینٹوں کو ختم کرنے کے لئے انسداد ملی ٹینسی آپریشن کو تیز کر دیا ہے۔بھارتی فوج کی جانب سے اس آپریشن کو آپریشن شیرووالی کا نام دیا گیا ہے۔حکام نے بتایا کہ جمعہ کی صبح سے ہی تصادم کے مقام سے وقفے وقفے سے گولیاں چلنے کا سلسلہ جاری ہے، جب کہ گھیرے میں لیے گئے جنگلاتی علاقے کے اندر گہرائی سے دو زور دار دھماکوں کی آوازیں بھی سنی گئیں۔
سیکورٹی فورسز نے انسداد ملی ٹینسی آپریشن کو جارحانہ انداز میں آگے بڑھانے اور ملی ٹینٹوں کو بے اثر کرنے کے لیے اضافی کمک کو تصادم کے مقام پر پہنچا کر آپریشن کو مزید مضبوط کیا ہے۔گھنے جنگلاتی علاقے کے ارد گرد ایک سخت کثیرالجہتی گھیرا برقرار رکھا گیا ہے، جب کہ آپریشن میں مصروف فورسز کی طرف سے چوبیس گھنٹے نگرانی اور ہائی الرٹنس کا مشاہدہ کیا جا رہا ہے۔پولیس گمبھیر مغلاں کے ڈوری مال علاقے میں انکانٹر جاری ہے، جہاں سیکورٹی فورسز گزشتہ سات دنوں سے جارحانہ تلاشی اور کومبنگ آپریشن کر رہی ہیں۔حکام نے بتایا کہ فورسز علاقے کے گھنے جنگلوں میں چھپے ہوئے دو ملی ٹینٹوں کا سراغ لگانے اور انہیں ختم کرنے کے لیے مسلسل کام کر رہی ہیں۔آپریشن اب ایک اعلیٰ درجے کے مرحلے میں داخل ہو گیا ہے جس میں ہندوستانی فوج کی مزید کمک کو فارسٹ زون میں شامل کیا گیا ہے، جو کہ محاصرے کا بنیادی فوکس ایریا ہے۔
