حدِمتارکہ پر2010سے فروری2021تک14,411فائرنگ کے واقعات

پونے مہاراشٹرا)// این ڈی اے حکومت میں دونوں اطراف سے کراس فائرنگ کی وجہ سے بھارت پاکستان بین الاقوامی سرحد اور لائن آف کنٹرول پر زیادہ سے زیادہ جانی اور مالی نقصان ہوا ہے۔پونے کے کارکن پرفل سردا کو دیے گئے آر ٹی آئی کے جوابات کے مطابق 2010 سے فروری 2021 تک سرحد پار فائرنگ کے 14,411 واقعات ہوئے جن میں 267 جانیں گئیں۔ جوابات کے مطابق ، اس میں کانگریس زیرقیادت یو پی اے حکومت کے دوران 2010-2014 کے دوران 1 ہزار،178 فائرنگ اور بھارتیہ جنتا پارٹی کی زیرقیادت این ڈی اے حکومت میں 2015 سے فروری 2021 تک 13 ہزار،235  واقعات شامل ہیں۔ سرحدی جھڑپوں میں ریکارڈ ہونے والی ہلاکتوں میں ، مجموعی طور پر 138 سکیورٹی اہلکار اپنی جانوں سے ہاتھ دھو بیٹھے ، جن میں 2010-2014 کے درمیان 118 اہلکار اور 2015 سے فروری 2021 تک 20  اہلکارشامل تھے ، جو سات سالوں میں تقریباً  چھ گنا زیادہ ہے۔129 سویلین اموات بھی ہوئیں۔ جو (2010-2014) میں 18 سے بڑھ کر 2015سے لیکر اس سال فروری تک 111 ہو گئی ہیں۔آر ٹی آئی کے ذریعے ظاہر ہونے والے زخمیوں میں سے 664 فوجی  تھے جن میں 97 (2010-2014) اور باقی 567 اہلکار، 2015 سے فروری 2021 تک تھے۔ سابق یو پی اے حکومت کے دوران ، سرحدیں نسبتاًزیادہ محفوظ تھیں اور کل 138 اموات اور عام شہریوں اور سیکورٹی اہلکاروں میں 229 ہلاکتیں ہوئیں۔ یہ تیزی سے بڑھ کر کل 229 ہلاکتوں اور سرحدی جھڑپوں میں 1 ہزار،143 افراد زخمی ہوئے ہیں۔2015 کے بعد سے ، سرحدی جھگڑے مسلسل بڑھے۔صرف 2021 کے پہلے دو مہینوں میں ، فائرنگ کے 658 واقعات پہلے ہی ریکارڈ پر ہیں جن میں سیکورٹی فورسز کے 4 اہلکار ہلاک ، 6 زخمی اور 2 عام شہری زخمی ہوئے۔