عظمیٰ نیوز سروس
سرینگر//دہلی ہائی کورٹ نے منگل کو کشمیری علیحدگی پسند رہنماؤں مسرت عالم بھٹ، شبیر احمد شاہ، نعیم احمد خان، تاجر ظہور احمد شاہ وٹالی اور دیگر کی طرف سے غیر قانونی سرگرمیاں روک تھام ایکٹ (یو پی اے) کے تحت دہشت گردی کی فنڈنگ کیس میں ٹرائل کورٹ کے حکم کے خلاف دائر کی گئی اپیلوں کو مسترد کر دیا۔دہلی ہائی کورٹ کے جسٹس وویک چودھری اور منوج جین کی ڈویڑن بنچ نے حزب المجاہدین کے سربراہ سید صلاح الدین کے بیٹوں شاہد یوسف اور سید احمد شکیل کی طرف سے دائر اپیلوں کو بھی مسترد کر دیا۔عدالت نے کہا کہ چونکہ اپیلیں الزام کے حکم کے خلاف تھیں، اس لیے وہ قومی تفتیشی ایجنسی (این آئی اے) ایکٹ کی دفعہ 21 کے پیش نظر قابل عمل نہیں ہیں۔این آئی اے ایکٹ کے سیکشن 21 میں کہا گیا ہے کہ خصوصی این آئی اے عدالت کے انٹرلاکیوٹری آرڈر اپیل کے تابع نہیں ہیں۔تفصیلی فیصلے کا انتظار ہے۔ این آئی اے کی خصوصی کورٹ نے مارچ 2022 میں اپیل کنندگان پر دہشت گردی کی فنڈنگ کے الزام میں یواے پی اے کے تحت جرائم کا الزام عائد کیا تھا۔ خصوصی جج پروین سنگھ نے کہا تھا کہ ملزمان کا الگ الگ مقصد تھا اور وہ’پاکستانی اسٹیبلشمنٹ کی رہنمائی اور فنڈنگ‘ کے تحتملی ٹینٹتنظیموں سے قریبی تعلق رکھتے تھے۔قابل ذکر بات یہ ہے کہ اسی کیس میں عدالت نے لشکر طیبہ (ایل ای ٹی) کے بانی حافظ سعید اور حزب المجاہدین کے سربراہ سید صلاح الدین کیساتھ ساتھ جموں کشمیر لبریشن فرنٹ کے بانی یاسین ملک پر بھی فرد جرم عائد کی تھی۔ جبکہ سعید اور صلاح الدین پاکستان میں بتائے جاتے ہیں، یاسین ملک نے اس مقدمے میں جرم قبول کیا اور انہیں عمر قید کی سزا سنائی گئی۔ اس کے لیے سزائے موت مانگنے والی این آئی اے کی اپیل دہلی ہائی کورٹ میں زیر التوا ء ہے ۔منگل کو ایک مشترکہ فیصلے میں، ہائی کورٹ نے ملی ٹینسیکے مختلف مقدمات میں کئی دیگر افراد کی طرف سے دائر اپیلوں کو بھی مسترد کر دیا۔ان میں جاوید علی، علیملا جمیر، مسا سونگ آو، عبدالرحمان، محمد وقار لون، راج کمار، روف احمد بٹ، متین احمد بٹ، حارث نثار لنگو، منان ڈار، حنان گلزار ڈار، ضامن عادل بٹ اور ارسلان فیروز آہنگر شامل ہیں۔ مقدمات میں اپیل کنندگان کی جانب سے سینئر ایڈووکیٹ نتیا رام کرشنن اور تنویر احمد میر کے ساتھ ایڈوکیٹ نیتائی ہندوجا، ادیتی سرسوات، جواہر راجہ، واریشا فراسات، سوورنا سوین، ستوتی رائے، روپالی سیموئل، کامران خواجہ، شارق جے ریاز، انیرودھ رامانتھ، تمنا پنکج،عارف علی، چاند قریشی، مجاہد احمد، محمد توحید، محمد عمران صدیقی، محمد فیض، صائمہ انجم، ایم ڈی عمران احمد، انیرودھ رامناتھن، پریا وتس، ہرش بورا، کارتک وینو، آر جوڈ روہت، سوجھانیہ شنکرن، سدھارتھ ستیجا، ساچنوا، آکاش اور انکا سنہ نے دلائل دئیے جبکہ سینئر وکیل سدھارتھ لوتھرا اور گوتم نارائن کے ساتھ ایڈوکیٹ اکشے ملک، خاور سلیم، آیوش اگروال، راہول تیاگی، جتن، امیت روہیلا، اجے سنگھ پرمار، شلپا سنگھ، پریم اگروال، اسمیتا سنگھ، دیشا جوشی، انکیتا ملکھن، ششانک راجن، راجیش راجن، راجیش راجا، راجن سنگھ، اشیتا سنگھ، انکیتا ملکھن این آئی اے کی نمائندگی رنجیب کمل بورا اور سریندر پال نے کی۔ (ایجنسیاں)
