عظمیٰ نیوز سروس
جموں// لیفٹیننٹ گورنر منوج سنہا نے منگل کو جموں میں نیتا جی سبھاش چندر بوس فلیگ پوائنٹ کا افتتاح کیا۔لیفٹیننٹ گورنر نے اس بات پر روشنی ڈالی کہ نیتا جی کا دیا گیا “جئے ہند” نعرہ قومی بہادری کی علامت ہے جس نے کبھی آزاد ہند فوج کو متحد کیا تھا اور آج بھی 140 کروڑ ہندوستانیوں کو متاثر کر رہا ہے۔لیفٹیننٹ گورنر نے کہا”نیتا جی سبھاش چندر بوس کی حب الوطنی بے مثال تھی۔ ان کی غیر معمولی بہادری نے ہندوستان کو ایک اہم منتر فراہم کیا: مستقبل صرف اتحاد کی بنیاد پر تعمیر کیا جا سکتا ہے،ان کا ماننا تھا کہ تقسیم سے بکھرا ہوا معاشرہ کبھی بھی پائیدار مستقبل کی تعمیر نہیں کر سکتا۔ نیتا جی کی ، نوجوانوں کو بااختیار بنانے اور اقتصادی ترقی کے لیے ان کی پالیسیوں اور نوجوانوں کو بااختیار بنانے کی کوششیں” چھوٹے پیمانے کی صنعتوں نے آج خود کفیل ہندوستان کی بنیاد بنانے میں اہم رول ادا کیا ہے، ۔لیفٹیننٹ گورنر نے کہا کہ جموں ہندوستان کے قومی اتحاد اور ایک غیر منقسم ثقافتی دھارے کی علامت ہے۔ انہوں نے کہا کہ جموں کے لوگوں کے ناقابل تسخیر جذبے نے کئی نسلوں تک جموں کشمیر کے مکمل انضمام کے مشعل کو جلائے رکھا۔لیفٹیننٹ گورنر نے کہا”ہمارا اتحاد طاقت ہے اور کامیابی کے لیے بہت ضروری ہے۔ ہمیں ایک رہنا چاہیے اور اپنے مشترکہ ورثے اور مشترکہ اقدار کو محفوظ رکھنا چاہیے،” ۔
