عاصف بٹ
کشتواڑ//جموں و کشمیر پولیس نے حزب المجاہدین کے ملی ٹینٹ کو گرفتار کیا ہے جو 19سال سے مفرور تھا جس کی شناخت عبداللہ عرف جمیل کے طور ہوئی ہے۔پولیس نے کشتواڑ ضلع کے کنڈوار چھاترو علاقے سےگرفتار کیاہے۔ جمیل خطے میں ملی ٹینسی سے متعلق متعدد وارداتوں میں ملوث تھا۔وہ نوجوانوں کو ملی ٹینٹ صفوں میں بھرتی کرانے میں بھی ملوث تھا۔مفرور ملی ٹینٹ کی گرفتاری جموں و کشمیر سیکورٹی فورسز کے لیے ایک بڑی کامیابی ہے۔سیکورٹی ایجنسیاں اسکی پوچھ تاچھ کررہی ہیں۔ـ ایس ایس پی کشتواڑجاوید اقبال کی نگرانی میں ایس ایچ او چھاترو وکرم سنگھ کی قیادت میں پولیس اسٹیشن چھاترو کی ٹیم نے حزب کے اس مفرور ملی ٹینٹ کو 19سال بعد گرفتار کیا۔ سیشن جج کشتواڑ کی عدالت کو ایف آئی آر زیر نمبر 11/2006زیردفعہ 302آر پی سی ، 7/27آرمز ایکٹ مورخہ 02/05/2006 پولیس سٹیشن چھاترو میں درج کیس میں مطلوب تھا۔
