عظمیٰ نیوز سروس
نئی دہلی// مرکزی حکومت نے مرکزی ملازمین کے لیے اعلان کردہ یونیفائیڈ پنشن اسکیم (UPS) میں نئے اعلانات کیے ہیں۔ جانکاری کے مطابق اب اس اسکیم کا فائدہ اٹھانے والوں کو ریٹائرمنٹ اور موت کے بعد گریچیوٹی ملے گی۔ اس سے مرکزی حکومت کے ملازمین کو بڑی راحت ملے گی۔وزارت عملہ، عوامی شکایات اور پنشن کے 11 سال کے تبدیلی کے سفر’ کے عنوان پر منعقدہ کانفرنس سے خطاب کے بعد نامہ نگاروں سے بات کرتے ہوئے مرکزی وزیر جتیندر سنگھ نے زندگی اور حکمرانی کو آسان بنانے کے لیے ٹیکنالوجی کا فائدہ اٹھانے پر حکومت کی توجہ کے بارے میں بھی بتایا۔آپ کو بتاتے چلیں کہ وزارت پرسونل کے محکمہ پنشن اور پنشنرز کی بہبود نے انٹیگریٹڈ پنشن اسکیم کے تحت آنے والے مرکزی ملازمین کے لیے ایک حکم جاری کیا ہے کہ وہ ملازمت کے دوران موت یا معذوری کی وجہ سے سروس سے برخاست ہونے کی صورت میں او پی ایس (OPS) کے تحت فوائد حاصل کریں۔ اس معاملے پر محکمہ کے سکریٹری وی سرینواس نے کہا کہ یہ حکم کسی سرکاری ملازم کو یہ اختیار دیتا ہے کہ اگر ملازمت کے دوران اس کی موت ہوجاتی ہے تو اسے دوبارہ یونیفائیڈ پنشن اسکیم کے دائرے میں لایا جائے۔ انہوں نے مزید کہا کہ حکومت کا یہ حکم این پی ایس (NPS) اور او پی ایس (OPS) پنشنرز کے درمیان برابری لاتا ہے اور ایسے ملازمین 25 لاکھ روپے کی گریجویٹی کے اہل ہوں گے۔ہم آپ کو بتاتے ہیں کہ یونیفائیڈ پنشن سکیم (یو پی ایس) کے آپشن کو منتخب کرنے کے بعد اگر کوئی ملازم مر جاتا ہے یا معذور ہو جاتا ہے تو اس صورتحال سے نمٹنے کا اب تک کوئی طریقہ نہیں تھا۔ تمام ملازمین اس مخمصے میں تھے کہ انہیں کون سی پنشن ملے گی اور فیملی پنشن کا کیا بنے گا۔ اب یہ صورتحال واضح ہو چکی ہے۔ عملہ، عوامی شکایات اور پنشن کی وزارت نے مرکزی سول سروسز کے قواعد کو بھی مطلع کیا ہے تاکہ اسکیم کے تحت مرکزی حکومت کے ملازمین کے خدمات کے معاملات کو منظم کیا جا سکے۔
