زاہد بشیر
گول//گول صدر مقام پر آئی ٹی آئی گول و عارضی ڈگری کالج و دوسری بستیوں کو ملانے والی صرف دو سو میٹر سڑک محکمہ تعمیرات عامہ سے بن نہیں پا رہی ہے ۔ گزشتہ سال اس سڑک کا ڈنگا ڈھہ گیا تھا لیکن ابھی تک اس کی طرف محکمہ نے کوئی دھیان نہیں دیا ہے ۔ وہیں اس پر بڑے بڑے کھڈے بھی پڑے ہیں جس پر چلنا محال بن جاتا ہے ۔ اگر چہ محکمہ کے پاس چھوٹے درجے کے ملازمین بھی ہیں جو محکمہ کے پاس سڑکوں کو بہتر بنانے اور رکاوٹوں کو دور کرنے کے لئے ہیں لیکن ان سڑکوں کی طرف کوئی توجہ نہیں دیتا ہے اور اس وقت سڑک کی حالت نہایت ہی ابتر ہے ۔ مقامی لوگوں کے مطابق ایک سال سے سڑک کی حالت ابتر ہے لیکن محکمہ اس کی طرف کوئی بھی توجہ نہیں دے رہا ہے۔ انہوں نے کہا کہ یہاں حالیہ دنوں شدید بارشوں کی وجہ سے اس کی حالت مزید بگڑ گئی ہے اور اگر اس پر کوئی حادثہ پیش آتا ہے اس کی ذمہ داری محکمہ پر عائد ہو گی ۔ لوگوں نے ضلع ترقیاتی کمشنر رام بن سے مطالبہ کیا ہے کہ اس سڑک کی حالت کو بہتر بنانے میں محکمہ کوہدایت دی جائے تا کہ لوگوں کو پریشانی کا سامنا نہ کرنا پڑے ۔
