پرویز احمد
سرینگر //جموں و کشمیر میں کورونا وائرس متاثرین کی تعداد میں اچانک اضافہ ہو گیا ہے۔ پچھلے24گھنٹوں کے دوران کورونا وائرس کی تشخیص کیلئے کئے گئے 10ہزار 912ٹیسٹوں میں 40افراد کی رپورٹیں مثبت آئی ہیں ۔ اس سے قبل 8مارچ 2022کو جموں و کشمیر میں کورونا وائرس سے 53افراد متاثر ہوئے تھے۔ متاثرین کی مجموعی تعداد 4لاکھ 54ہزار 845ہوگئی ہے۔ اس دوران جموں و کشمیر میں مسلسل تیسرے دن بھی کورونا وائرس سے ایک شخص کی موت ہوئی ہے۔ متوفین کی مجموعی تعداد 4755ہوگئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر 13اضلاع میں کسی کی رپورٹ مثبت نہیں آئی ہے جبکہ دیگر 7اضلاع میں 40افراد کو مثبت قرار دیا گیا ہے جن میں جموں صوبے میں 22جبکہ کشمیر میں18افراد کی رپورٹیں مثبت آئی ہیں۔ کشمیر صوبے کے 7اضلاع جن میں بارہمولہ، پلوامہ، اننت ناگ ، کپوارہ بانڈی پورہ ، گاندربل اور شوپیان میں کسی کی رپورٹ مثبت نہیں آئی ہے جبکہ دیگر 3اضلاع میں 18افراد کو مثبت قرار دیا گیا ہے۔ مثبت قرار دئے گئے 18افراد میں سرینگر میں 11، بڈگام میں 3 جبکہ کولگام میں 4افراد کی رپورٹیں مثبت آئی ہیں۔ متاثرین کی مجموعی تعداد 2لاکھ 87ہزار 890ہوگئی ہے۔ اس دوران وادی میں 37دنوں بعد کورونا وائرس سے ایک شخص کی موت ہوگئی ہے۔ مرنے والے شخص کا تعلق ضلع سرینگر سے ہے۔ متوفین کی مجموعی تعداد 2425ہوگئی ہے۔ جموں صوبے کے 6اضلاع جن میںڈوڈہ، کشتواڑ، پونچھ، راجوری، رام بن اور ریاسی میں کسی کی رپورٹ مثبت نہیں آئی ہے جبکہ 4اضلاع میں 22افراد کو مثبت قرار دیا گیا ہے۔ مثبت قرار دئے گئے22افراد میں ضلع جموں میں16، ادھمپور میں2، کٹھوعہ میں1 جبکہ سانبہ میں 3افراد کو مثبت قرار دیا گیا ہے۔ جموں صوبے میں متاثرین کی مجموعی تعداد1لاکھ 66ہزار673ہوگئی ہے۔ اس دوران جموں صوبے میں کورونا وائرس سے کسی کی موت نہیں ہوئی ہے۔ متوفین کی مجموعی تعداد 2330بنی ہوئی ہے۔
