کورونا سے نویں روز بھی کوئی فوتیدگی نہیں

 سرینگر //جمعرات کو جموں و کشمیر کے 11اضلاع میں کسی کی رپورٹ مثبت نہیں آئی ہے جبکہ دیگر 9اضلاع میں کورونا وائرس کی تشخیص کیلئے 48ہزار 689 ٹیسٹ کئے گئے جن میں 93افراد کی رپورٹیں مثبت آئی ہیں۔ مثبت قرار دئے گئے 93افراد میں 12مسافر شامل ہیں جبکہ دیگر 81افراد مقامی سطح پر رابطے میں آنے کی وجہ سے متاثر ہوئے ہیں۔ متاثرین کی مجموعی تعداد 3لاکھ 30ہزار 834تک پہنچ گئی ہے۔ اس دوران مسلسل 9ویں روز بھی جموں و کشمیر میں کورونا وائرس سے کسی کی موت نہیں ہوئی ہے۔ متوفین کی مجموعی تعداد 4426بنی ہوئی ہے۔ گذشتہ 24گھنٹوں کے دوران کورونا وائرس سے مزید 93افراد متاثر ہوئے ہیں جن میں جموں میں21جبکہ کشمیر میں 72افراد متاثر ہوئے ہیں۔ کشمیر میں متاثر ہونے والے 72افراد میں جن میں 5مختلف ریاستوں کا سفر کرکے وادی پہنچے جبکہ 67افراد مقامی سطح پر رابطے میں آنے کی وجہ سے متاثر ہوئے ہیں۔ کشمیر میں متاثر ہونے والے 72افراد میں سب سے زیاد ہ سرینگر میں47، بارہمولہ میں12، بڈگام میں 4، کپوارہ میں 5، اننت ناگ میں 2، بانڈی پورہ میں 2 جبکہ پلوامہ، گاندربل، کولگام اور شوپیان میں کسی کی رپورٹ مثبت نہیں آئی ہے۔ کشمیر میں متاثرین کی مجموعی تعداد2لاکھ 6ہزار 688تک پہنچ گئی ہے۔ اس دوران وادی میں 9ویں دن بھی کورونا وائرس سے کسی کی موت نہیں ہوئی ہے۔وادی میں متوفین کی مجموعی تعداد 2252ہوگئی ہے۔  جموں صوبے کے 7اضلاع میںجمعرات کو کسی کی رپورٹ مثبت نہیں آئی ہے جن میں ادھمپور راجوری،کٹھوعہ، سانبہ، کشتواڑ، پونچھ اور رام بن شامل ہیں جبکہ دیگر تین اضلاع میں 21افراد کی رپورٹیں مثبت آئی ہیں۔ جموں کے 21متاثرین میں 7بیرون ریاستوں سے واپس لوٹے جبکہ 14مقامی سطح پر رابطے میں آنے کی وجہ سے متاثر ہوئے ہیں۔ جموں کے 21متاثرین میں جموں میں 6،ڈوڈہ میں 10 جبکہ ریاسی میں 5 افراد کی رپورٹیں مثبت قرار دی گئی۔ جموں صوبے میں متاثرین کی مجموعی تعداد1لاکھ 24ہزار 146تک پہنچ گئی ہے۔ اس دوران جموں میں بھی کورونا وائرس سے کسی کی موت نہیں ہوئی ہے۔ متوفین کی مجموعی تعداد 2174بنی ہوئی ہے۔