ہوشیارپور/یواین آئی/ہریانہ کے نوح ضلع میں سیاحوں کی بس میں آگ لگنے کے واقعہ میں پنجاب کے ہوشیار پور کے چھ باشندوں کی موت کی افسوسناک خبر کے بعد ہوشیار پور شہر میں سوگ کی لہر دوڑ گئی۔یہ تباہ کن واقعہ ہفتہ کے اوائل میں اس وقت پیش آیا جب پنجاب کے ہوشیار پور اور لدھیانہ سے تقریباً 60 افراد کو لے جانے والی ایک بس میں نوح ضلع کے تورو کے قریب آگ لگ گئی۔ یہ مسافر متھرا اور ورنداون کی یاترا سے واپس لوٹ رہے تھے۔ سرکاری رپورٹوں میں تصدیق کی گئی ہے کہ کم از کم 10 افراد زندہ جل گئے اور 20 دیگر زخمی ہوئے۔سرکاری ذرائع کے مطابق متاثرین میں گوتم شرما (35)، اس کی ماں ششی شرما (57)، پونم ٹھاکر (66) اور شالیمار نگر کی خوشی (8) ، کمال پور سے سنیتا بھسین (56)، نیو ماڈل ٹاؤن سے اشوک کمار بھاٹیہ (68) شامل ہیں۔ زخمیوں میں مقامی باشندے سونیا جوشی (55) اور شانتی (50) شامل ہیں۔
چلتی بس میں آگ | 6زندہ جھلس گئے ہوشیار پور میں سوگ کی لہر
