سرینگر //جموں و کشمیر میں کورونا وائرس سے ہونے والی اموات میں کمی کے بعد اب ہر گزرتے دن کے ساتھ ساتھ متاثرین کی تعداد میں بھی کمی آرہی ہے۔ پچھلے 24گھنٹوں کے دوران جموں و کشمیر میں کورونا وائرس کی تشخیص کیلئے 21ہزار 638ٹیسٹ کئے گئے جن میں 4مسافروں سمیت 43افراد کی رپورٹیں مثبت آئیں اور اس طرح متاثرین کی مجموعی تعداد 1لاکھ 24ہزار 952ہوگئی ہے۔ ان میں 51ہزار 657جموں جبکہ 73ہزار 225کشمیر سے تعلق رکھتے ہیں۔ تازہ 43متاثرین میں سے جموں میں 7جبکہ 36کشمیر سے تعلق رکھتے ہیں۔ کشمیر کے 36متاثرین میں سے 20ضلع سرینگر، 1بارہمولہ، 2بڈگام، 5پلوامہ، 4اننت ناگ، 3گاندربل اور ایک شوپیان میں متاثر ہوا ہے جبکہ کپوارہ ، بانڈی پورہ اور کولگام میں کسی کی رپورٹ مثبت نہیں آئی۔ جموں صوبے کے 7متاثرین کا تعلق ضلع جموں سے ہے جبکہ دیگر 9اضلاع میں کسی کی رپورٹ مثبت نہیں آئی ہے۔
کوئی موت نہیں
پچھلے72گھنٹوں کے دوران جموں و کشمیر میں کسی کی موت نہیں ہوئی ہے اور متوفین کی مجموعی تعداد 1944بنی ہوئی ہے۔ مرنے والوں میں 1222کشمیر جبکہ 722جموں سے تعلق رکھتے ہیں۔
حکومتی بیان
سرکاری بلیٹن میں بتایا گیا ہے کہ نوول کورونا وائرس کے1,24,952معاملات سامنے آئے ہیں جن میں سے593سرگرم معاملات ہیں ۔ اَب تک1,22,415اَفراد صحتیاب ہوئے ہیں ۔جموں وکشمیر میں کوروناوائرس سے مرنے والوں کی مجموعی تعداد1,944تک پہنچ گئی ،جن میں سے 1,222کا تعلق کشمیر صوبہ سے اور722کاتعلق جموں صوبہ سے ہیں۔اِس دوران سوموار کو مزید80فرادشفایاب ہوئے ہیںجن میںجموں صوبے کے11اَفراداور کشمیر صوبے کے69اَفرادشامل ہیں۔بلیٹن میں مزید کہا گیا ہے کہ اَب تک 47,10,630ٹیسٹوں کے نتائج دستیاب ہوئے ہیں جن میں سے 08؍فروری 2021 کی شام تک 45,85,678نمونوں کی رِپورٹ منفی پائی گئی ہے ۔علاوہ ازیں اَب تک11,76,908افراد کو نگرانی میں رکھا گیا ہے جن کا سفر ی پس منظر ہے اور جو مشتبہ معاملات کے رابطے میں آئے ہیں۔ اِن میں33,819اَفراد کو ہوم قرنطین میں رکھا گیا ہے جس میں سرکار کی طرف سے چلائے جارہے قرنطین مراکز بھی شامل ہیں ۔593 اَفراد کوآئیسولیشن میں رکھا گیا ہے جبکہ1,12,315اَفراد کو گھروں میں نگرانی میں رکھا گیا ہے۔اِسی طرح بلیٹن کے مطاب10,28,237اَفرادنے 28روزہ نگرانی مدت پوری کی ہے۔
