پونچھ کے کھلاڑی جے کے سی اے ٹرائلز میں شرکت کیلئے جموں روانہ

حسین محتشم
پونچھ// راہول ڈریوڈ کرکٹ اکیڈمی پونچھ کے لڑکوں اور لڑکیوں کے مختلف عمر کے 28 کھلاڑی جموں کے لئے روانہ کئے گئے۔بتا دیں کہ یہ کھلاڑی جے کے سی اے کے ٹرائلز میں حصہ لینے جا رہے ہیں جو پونچھ میں خراب موسم کی وجہ سے پونچھ سے جموں کے لئے ری شیڈول کئے گئے تھے۔ چیئرمین آر ڈی سی اے پرویز ملک آفریدی نے انتظامیہ کے ساتھ آر ڈی سی اے کے ٹرینی بس سٹینڈ پونچھ تک گئے۔ کھلاڑی خوش اور متجسس نظر آئے کیونکہ کئی سالوں کے بعد انہیں JKCA نے اپنی صلاحیتوں کا مظاہرہ کرنے کے لئے ایک پلیٹ فارم دیا ہے۔ پرویذ آفریدی نے کہا کہ انہوں نے کھلاڑیوں سے کہا کہ وہ میدان میں اپنی بہترین کارکردگی کا مظاہرہ کریں اور اپنی کلاس اور ٹیلنٹ دکھا کر منتخب ہو جائیں جو آپ نے اکیڈمی میں سیکھا۔ انہوں نے کہا کہ یہ بہتر ہوتا اگر یہ ایونٹ پونچھ میں کرایا جاتا لیکن بدقسمتی سے خراب موسم کی وجہ سے جگہ کو دوبارہ ترتیب دیا گیا۔ انہوں نے ٹرائلز کے انعقاد پر جے کے سی اے اور اس کے چیئرمین کا شکریہ ادا کیا۔