عظمیٰ نیوزسروس
سرینگر//پولیس نے سرینگر،کپوارہ اورشوپیا ن میں منشیات مخالف کارروائیوںکے دوران برائون شوگر،ہیروئن اور بھنگ برآمدکرتے ہوئے ایک خاتون سمیت 4منشیات سمگلروںکو گرفتار کیا ۔ سرینگر میں پولیس نے جمعرات کو پولیس اسٹیشن کرال کھڈ کی طرف سے کی گئی ایک ناکہ چیکنگ آپریشن کے دوران 14 گرام نشہ آور چیز برآمد کی ہے جس کی شناخت براؤن شوگر کے طور پر کی گئی ہے۔حکام نے بتایا کہ یہ برآمدگی رئیس احمد ڈار، جسے رئیس بندر کے نام سے بھی جانا جاتا ہے، اور ابیش امتیاز بٹ کے قبضے سے کیا گیا، جو دونوں سری نگر کے بربرشاہ علاقے کے رہنے والے ہیں۔پولیس نے بتایاکہ دونوں کو معمول کی چیکنگ کے دوران روکا گیا جس کے بعد نشہ آور چیز برآمد ہوئی۔بازیابی کے سلسلے میںپولیس اسٹیشن کرالہ کھڈ میں، ایف آئی آر نمبر02/2026تحت نارکوٹک ڈرگس اینڈ سائیکوٹرپک مادہ ایکٹ کی دفعہ 8، 21 اور29 کے تحت درج کی گئی ہے، اور مزید تفتیش شروع کی گئی ہے۔اس دوران کپواڑہ میں پولیس نے ضلع کے گلگام علاقے میں ایک ناکہ چیکنگ آپریشن کے دوران ایک خاتون کو گرفتار کرکے بھاری مقدار میں نشہ آور اشیاء برآمد کی ۔
عہدیداروں نے بتایا کہ کپواڑہ کے گلگام علاقے کے میجری محلہ میں ناکہ چیکنگ کے دوران پولیس پارٹی نے ایک خاتون کو گرفتار کیا جس کی شناخت نعیمہ بیگم زوجہ ارشاد احمدمیر ساکنہ کرناہ حال میجری محلہ گلگام کے طورپرہوئی ہے۔انہوںنے بتایاکہ خاتون کی ذاتی تلاشی کے دوران، پولیس نے اس کے قبضے سے2 کلو گرام اور 200 گرام ہیروئن نما مادہ برآمد کرلیا۔موقع پر ہی ریکوری کی گئی جس کے بعد ملزمہ کو حراست میں لے لیا گیا۔اس سلسلے میں، ایف آئی آر نمبر 13/2026 نارکوٹک ڈرگس اینڈ سائیکو ٹراپک سبسٹنس ایکٹ کی دفعہ8، 21 اور 29 کے تحت پولیس اسٹیشن کپواڑہ میں درج کیا گیا ہے، اور مزید تحقیقات شروع کی گئی ہے۔پولیس حکام نے کہا کہ تفتیش میں برآمد شدہ ممنوعہ مواد کے ماخذ کا پتہ لگانے اور منشیات کے نیٹ ورک میں ممکنہ آگے اور پیچھے روابط کی نشاندہی پر توجہ دی جائے گی۔ تحقیقات میں پیشرفت کے ساتھ مزید ریکوری اور گرفتاریوں کو خارج از امکان قرار نہیں دیا جا رہا ہے۔ادھر معاشرے سے منشیات کی لعنت کو ختم کرنے کی اپنی مسلسل کوششوں کے ایک حصے کے طور پر، پولیس اسٹیشن ہیر پورہ شوپیان نے ایک منشیات فروش کو گرفتار کر کے اس کے قبضے سے بھنگ جیسا مادہ برآمد کیا۔پولیس کی پارٹی نے شوپیان ڈچنو ہیر پورہ میں معمول کے ناکے کی چیکنگ کے دوران، تھانہ ہیر پورہ کی ایک پولیس پارٹی نے ایک شخص کو مشکوک حالت میں گھومتے ہوئے دیکھا اور اسے حکمت کے ساتھ پکڑ لیا۔ اس کی تلاشی لینے پر اس کے قبضے سے تقریباً5 کلو گرام وزنی بھنگ جیسی مادہ برآمد ہوئی۔ ملزم کی شناخت اصلم کالس ساکنہ دیو پورہ کے طور پر کی گئی ہے۔ اسی مناسبت سے، این ڈی پی ایس ایکٹ کی متعلقہ دفعات کے تحت ایک مقدمہ زیر ایف ائی آر نمبر06/2026 پولیس سٹیشن ہیر پورہ میں درج کیا گیا ہے اور ملزم کے آگے اور پیچھے تعلق کا پتہ لگانے اور تجارت میں ملوث وسیع نیٹ ورک کا پتہ لگانے کے لیے تفتیش شروع کر دی گئی ہے۔ شوپیاں پولیس منشیات سے پاک معاشرے کو برقرار رکھنے کے اپنے عزم کا اعادہ کرتی ہے اور عام لوگوں سے اس نیک مشن میں تعاون کرنے کی اپیل کرتی ہے۔ شہریوں سے درخواست کی جاتی ہے کہ وہ منشیات کے استعمال یا پیڈلنگ سے متعلق کوئی بھی معلومات ہیلپ لائن نمبر 9596768831 (پی سی آر شوپیاں) پر شیئر کریں۔
