یو این آئی
نئی دہلی//فن، ادب اور تعلیم، کھیل، طب، سماجی خدمات، سائنس اور انجینئرنگ، عوامی کام، سیول سروس، کاروبار اور صنعت وغیرہ کے شعبوں میں خصوصی اور غیر معمولی کامیابیوں کے لیے دیے جانے والے پدم ایوارڈز کے لیے آن لائن نامزدگی اور سفارش کا عمل شروع ہو گیا ہے۔وزارت داخلہ کے ترجمان نے بتایا کہ پدم ایوارڈ 2026 کے لئے آن لائن نامزدگی/سفارشیں شروع ہو گئی ہیں، جس کا اعلان اگلے سال یوم جمہوریہ کے موقع پر کیا جائے گا۔
پدم ایوارڈز کے لیے نامزدگی کی آخری تاریخ 31 جولائی ہے۔ پدم ایوارڈز کے لیے نامزدگی/سفارشات وزارت داخلہ کے نیشنل ایوارڈ پورٹل پر آن لائن موصول ہوں گی۔پدم ایوارڈز کے تحت ملک کے اعلی ترین شہری اعزاز پدم وبھوشن، پدم بھوشن اور پدم شری دیے جاتے ہیں۔ سال 1954 میں شروع کیے گئے ان ایوارڈز کا اعلان ہر سال یوم جمہوریہ کے موقع پر کیا جاتا ہے۔پدم ایوارڈ تمام شعبوں/ محکموں جیسے فنون، ادب، تعلیم، کھیل، طب، سماجی خدمت، سائنس اور انجینئرنگ، عوامی امور، سیول سروسیز ، تجارت اور صنعت وغیرہ میں ممتاز اور غیر معمولی کامیابیوں/خدمات کے لیے دیئے جاتے ہیں۔ ذات، پیشہ، مقام یا جنس کے امتیاز کے بغیر تمام افراد ان ایوارڈز کے اہل ہیں۔ ڈاکٹروں اور سائنسدانوں کے علاوہ سرکاری ملازمین بشمول پبلک سیکٹر کے اداروں میں کام کرنے والے سرکاری ملازمین پدم ایوارڈ کے اہل نہیں ہیں۔
