یواین آئی
نارتھ ساؤنڈ/بارش سے متاثرہ میچ میں گڈاکیش موتی (چار وکٹوں) کے بعد ایون لوئس (94) کی طوفانی بلے بازی کی بنیاد پر ویسٹ انڈیز نے ڈک ورتھ لیوس ضابطے کے تحت پہلے ون ڈے میں انگلینڈ کو آٹھ وکٹوں سے شکست دے دی۔ اس کے ساتھ ہی ویسٹ انڈیز نے سیریز میں 1-0 کی برتری حاصل کر لی ہے ۔ گڈاکیش موتی کو ان کی عمدہ باؤلنگ پر پلیئر آف دی میچ کا ایوارڈ دیا گیا۔انگلینڈ کے 209 رنز کے جواب میں ویسٹ انڈیز کی اوپننگ جوڑی برینڈن کنگ اور ایون لیوس نے عمدہ آغاز کیا اور پہلی وکٹ کے لیے 118 رنز جوڑے ۔ 20ویں اوور میں لیام لیونگسٹون نے برینڈن کنگ (30) کو آؤٹ کر کے انگلینڈ کو پہلی کامیابی دلائی۔ عادل رشید نے 23ویں اوور میں سنچری کی جانب گامزن ایون لوئس کو آؤٹ کر کے ویسٹ انڈیز کو بڑا جھٹکا دیا۔ ایون لیوس نے 69 گیندوں پر آٹھ چھکے اور پانچ چوکے لگا کر 94 رنز بنائے ۔ جب بارش کی وجہ سے کھیل روکا گیا تو کیسی کارٹی (ناٹ آؤٹ 19) اور شائی ہوپ (ناٹ آؤٹ چھ) رنز بنانے کے بعد کریز پر موجود تھے ۔ اس وقت ویسٹ انڈیز کا اسکور 25.2 اوورز میں دو وکٹوں پر 157 رنز تھا۔ ڈک ورتھ لوئس ضابطے کی بنیاد پر ویسٹ انڈیز کو 55 گیندیں باقی رہ کر آٹھ وکٹوں سے فاتح قرار دیا گیا۔انگلینڈ کی جانب سے لیام لیونگسٹون اور عادل رشید نے ایک ایک بلے باز کو آؤٹ کیا۔ اس سے قبل ویسٹ انڈیز نے ٹاس جیت کر پہلے گیند بازی کا فیصلہ کیا۔ بلے بازی کے لیے آنے والی انگلینڈ کی شروعات اچھی نہیں تھی اور نویں اوور میں فل سالٹ (18) کی وکٹ گنوا بیٹھی۔ اس کے بعد انگلینڈ کی وکٹیں وقفے وقفے سے گرتی رہیں۔ ول جیکس 19 رن بنانے کے بعد آؤٹ ہوئے ۔ ان دونوں بلے بازوں کو جیڈن سیلز نے آؤٹ کیا۔ جارڈن کاکس (17) تیسرے کھلاڑی کے طور پر آؤٹ ہوئے ۔ میتھیو فورڈ نے 19ویں اوور میں جیکب بیتھل (27) کو آؤٹ کیا۔ کپتان لیام لیونگسٹون نے ٹیم کی جانب سے سب سے زیادہ 48 اننگز کھیلی۔ سیم کرن 37 ، عادل رشید 15 ، ڈین مصلی 8 اور جوفرا آرچر 5 رنز بنانے کے بعد آؤٹ ہوئے ۔ ویسٹ انڈیز کے باؤلنگ اٹیک کے سامنے انگلینڈ کی پوری ٹیم 45.1 اوورز میں 209 رنز پر ڈھیر ہو گئی۔ویسٹ انڈیز کی جانب سے گڈاکیش موتی نے چار وکٹیں حاصل کیں۔ میتھیو فورڈ، جے ڈن سیلز اور الزاری جوزف نے دو دو بلے بازوں کو آؤٹ کیا۔
