یو این آئی
نئی دہلی//میری کوم ہندوستان کی ایک بہترین باکسررہی ہیں۔ان کا پورا نام منگتے چنگنیجانگ میری کام (ایم سی میری کوم) ہے ۔ان کی پیدائش 24 نومبر1982 کو مغربی ہندوستان کے منی پور کے چورا چند پور ضلع کے کانگتھی گاؤں میں پیدا ہوئیں۔انہوں نے اپنی ابتدائی تعلیم لوکتک کرسچن ماڈل ہائی اسکول موئرنگ سے اور اعلیٰ ثانوی تعلیم سینٹ سیورز کیتھولک اسکول، موئرنگ سے حاصل کی۔
میری کوم کا بچپن بڑی مصیبت و آلام میں گزرا۔ میری کوم کی کفالت کے وقت خاندا ن والوں نے بڑی مشکل سے انہیں کرسچن ماڈل ہائی اسکول اور سینٹ زیویئر اسکول، منی پور میں تعلیم حاصل کرائی۔ میری کوم نے اپنے ہائی اسکول کا امتحان ادیمجاتی ہائی اسکول، امپھال میں دیا لیکن وہ امتحان میں کامیاب نہ ہوسکیں۔ وہ دوبارہ اس اسکول کے امتحان میں شامل نہیں ہونا چاہتی تھیں، اس لیے انہوں نے اسکول نہ جانے کا فیصلہ کیا اور نیشنل اوپن اسکول سے امتحان دینے کا فیصلہ کیا۔اس کی تین بہنیں اور ایک بھائی اچھی تعلیم حاصل کر چکے تھے لیکن وہ بھی معقول آمدنی حاصل کرنے سے قاصر تھے ۔ گھر کی مالی تنگی کی وجہ سے خاندان بھی پریشان تھا۔اگرچہ میری کوم کے پاس اچھے کھانے کا انتظام نہیں تھا لیکن وہ باکسنگ میں لڑنے کے لیے تیار تھیں۔ میری کوم بچپن سے ہی ایتھلیٹکس کی طرف زیادہ مائل تھیں ۔
