خوشگوار اور ٹھنڈی سردیوں کے بعد، درجہ حرارت میں بتدریج اضافے کے ساتھ موسم بہار کی آمد آمد ہے۔ اس سے موسمی الرجی پیدا ہونے کا امکان ہوتا ہے۔
لہٰذا الرجی سے پریشان ہونے سے بچنے کے لیے اس وقت اپنا خیال رکھنا ضروری ہے، جس کی علامات میں خارش، ناک بہنا اور سُرخ آنکھیں شامل ہیں۔ بعض اوقات، یہ الرجی شدید بھی ہو سکتی ہے۔ماہرین غذائیت نے اس موسم میں الرجی سے بچنے کے لیے کچھ غذائیں بتائی ہیں جو الرجی کو روکنے میں مددگار ثابت ہوسکتی ہیں۔
موسمی الرجی ختم کرنے والی غذائیں:موسمی الرجی کو شکست دینے والی غذائیں کونسی ہیں؟
ادرک:اس میں فینولک مرکبات جنجرول اور شوگول ہوتے ہیں جو اینٹی آکسیڈینٹ اور اینٹی سوزش خصوصیات کے ساتھ سانس کی حفاظت کے طور پر جانا جاتا ہے۔ یہ سوجن، ناک کی بندش اور گلے کی جلن کو بھی کم کرتا ہے۔
ناریل کا تیل:یہ موسمی الرجی میں شکست دینے میں اہم کرتا ہے کیونکہ ناریل میں موجود لوریک ایسڈ اینٹی فنگل، اینٹی الرجک اور قوت مدافعت بڑھانے والے فوائد رکھتا ہے۔
ہلدی:ہلدی ایک مسالا ہے جو اکثر سالن اور دیگر کھانوں میں شامل کیا جاتا ہے۔ اس میں کرکومین ہوتا ہے جو موسمی الرجی کے خطرے کو کم کرتا ہے۔
وٹامن سی:وٹامن سی ہسٹامائنز کو کم کر سکتا ہے، جسم میں وہ کیمیکل جو الرجی کی بہت سی علامات کا باعث بنتے ہیں جیسے چھینک آنا اور ناک بہنا۔ آپ اسے بہت سارے کھانوں سے حاصل کر سکتے ہیں، یعنی لیموں، اورنج اور گریپ فروٹ اور ان کے جوس۔
میگنیشیم:میگنیشیم، ایک عام معدنیات، جس سے آپ کو آسانی سے سانس لینے میں مدد مل سکتی ہے۔ جن لوگوں کو دمہ ہوتا ہے ان میں اکثر میگنیشیم کی سطح کم ہوتی ہے، گری دار میوے میگنیشیم کے بہترین ذرائع ہیں۔ بادام، کاجو اور مونگ پھلی کو آزمائیں۔
وٹامن ڈی:وٹامن ڈی آپ کی ہڈیوں کے لیے اچھا ہے۔ اس سے الرجی اور دمہ میں بھی مدد مل سکتی ہے۔ کچھ مطالعات سے پتا چلا ہے کہ جن لوگوں نے وٹامن ڈی کی مقدار میں اضافہ کیا ان میں علامات کم تھیں۔ اسے سمندری غذائیوں سے حاصل کیا جاسکتا ہے جیسے مچھلی وغیرہ۔
یاد رہے کہ اچھی نیند آپ کے دل کی بیماری، موٹاپے اور ذیابیطس کے خطرے کو کم کرتی ہے اور ذہنی تناؤ کو بھی کم کرتی ہے۔ غذائیت کے ماہرین ایسی غذائیں تجویز کرتے ہیں جو آپ کو پُرسکون نیند فراہم کرنے میں مدد دے سکتے ہیں۔کھانے کی ناقص عادات جیسے رات کو بہت دیر سے کھانا یا زیادہ کیلوری والا کھانا نیند کے قدرتی طریقہ کار میں مداخلت کر سکتا ہے اور آپ کو بے چین اور سونے سے قاصر کر سکتا ہے۔دوسری طرف، کچھ ایسی غذائیں ہیں جو آپ کی نیند کے معیار کو آرام اور بہتر بنا سکتی ہیں۔
گرم دودھ:ماہرین کے مطابق ایک کپ گرم دودھ آپ کو سکون سے سونے میں مدد دے سکتا ہے۔ آپ گائے کا دودھ، بکری کا دودھ یا بادام کا دودھ استعمال کر سکتے ہیں۔ اس کے لیے آپ دودھ گرم کریں اور اُس میں ایک چٹکی جائفل یا ہلدی شامل کریں اور سونے سے پہلے پی لیں۔
کیلا:ماہرین کے مطابق کیلا رات کو کھانے کے لیے ایک اچھا پھل ہے۔ میگنیشیم اور پوٹاشیم سے بھرپور، یہ ہمارے جسم کے پٹھوں کو آرام دینے میں مدد کرتا ہے اور وٹامن بی 6 ذہنی تناؤ کو ختم کرکے پُرسکون نیند فراہم کرتا ہے۔
بادام:ایک مٹھی بھر بادام آپ کو گہری نیند میں جانے کے لیے درکار ہیں۔ اس میں میگنیشیم ہوتا ہے جو پٹھوں کو آرام دینے میں مدد کرتا ہے۔ آپ صرف بادام بھی کھاسکتے ہیں اور اس دودھ یا کیلے کے ساتھ بھی کھاسکتے ہیں۔
جڑی بوٹیوں والی چائے:جڑی بوٹیوں والی چائے، خاص طور پر کیمومائل چائے جسم میں تناؤ کو کم کرنے اور بہتر نیند میں مدد فراہم کرتی ہے۔
