ممبئی انڈینس کے پہلے میچ میں سوریہ کمار کپتان ہونگے

ممبئی/یو این آئی/ممبئی انڈینز کے باقاعدہ کپتان ہاردک پانڈیا پر پچھلے سال انڈین پریمیئر لیگ (آئی پی ایل) 2024 کے آخری میچ میں سست اوور ریٹ کی وجہ سے ایک میچ کے لیے پابندی عائد کی گئی تھی، جس کے باعث آئی پی ایل کے اس سیزن میں ٹیم کی قیادت سوریہ کمار یادیو کریں گے ۔ ہاردک نے کہا، “یہ میرے کنٹرول سے باہر کی بات ہے ۔پچھلے سال آخری میچ میں ہم نے آخری اوور میں 1.5 یا 2 منٹ کی تاخیر کی تھی۔ یہ بدقسمتی ہے ، لیکن یہی ضابطہ ہے ۔ ہمیں ضابطے کے مطابق عمل کرناہوگا۔ سوریہ ہندوستان کے کپتان ہیں اور جب میں موجود نہیں ہوں تو وہ بہترین متبادل ہیں۔” یاد رہے کہ ہاردک 29 مارچ کو گجرات ٹائٹن (جی ٹی) کے ساتھ احمد آباد میں ہونے والے دوسرے میچ کے لیے دستیاب ہوں گے ۔ممبئی کا گھریلو میدان 31 مارچ کو کولکتہ نائٹ رائیڈرز (کے کے آر) کے ساتھ میچ کی میزبانی کرے گا۔ اس کے بعد ممبئی انڈینز 4 اپریل کو لکھنؤ میں لکھنؤ سپر جائنٹس (ایل ایس جی) کے ساتھ اور 7 اپریل کو رائل چیلنجرز بنگلور (آر سی بی) کے خلاف اپنے گھریلو میدان پر کھیلے گی۔