یو این آئی
کوالالمپور،12 جنوری،(یو این آئی )جنوبی کوریا کی بیڈمنٹن اسٹار اور عالمی نمبر ایک این سی ینگ نے ملیشیا اوپن میں اپنی فتوحات کا تسلسل برقرار رکھتے ہوئے مسلسل تیسری مرتبہ ویمنز سنگلز کا خطاب اپنے نام کر لیا۔ اس شاندار کامیابی کے ساتھ ہی انہوں نے ایونٹ میں اعزازات کی ‘ہیٹ ٹرک’ مکمل کرنے کا سنگِ میل بھی عبور کر لیا ہے ۔کوالالمپور میں کھیلے گئے بی ڈبلیو ایف (BWF) ورلڈ ٹور کے اس ہائی پروفائل فائنل میں جنوبی کوریا کی 23 سالہ ٹاپ سیڈڈ شٹلر این سی ینگ کا سامنا چین کی مضبوط حریف وانگ ژی یی سے تھا۔ این سی ینگ نے آغاز ہی سے جارحانہ کھیل پیش کیا اور پہلا سیٹ 15-21 سے آسانی کے ساتھ اپنے نام کر لیا۔ دوسرے سیٹ میں چینی کھلاڑی نے زبردست مزاحمت کی اور مقابلہ ایک وقت پر برابر ہو گیا، تاہم دفاعی چیمپئن این سی ینگ نے اپنے تجربے کا فائدہ اٹھاتے ہوئے یہ سیٹ 22-24 سے جیت کر مقابلہ اپنے حق میں کر لیا۔
