لوگ بنیاد پرستی کی کوششوں کا مثبت طریقے سے مقابلہ کریں:ایل جی سنہا
سرینگر// لیفٹیننٹ گورنر منوج سنہا نے نوگام کے حادثاتی دھماکے میں شہید ہونے والوں کے اہل خانہ سے ملاقات کی اور ہمدردی کی بنیاد پر تقرری نامے حوالے کئے۔لیفٹیننٹ گورنر نے کہا کہ پوری قوم خاندانوں کے ساتھ کندھے سے کندھا ملا کر کھڑی ہے تاکہ یہ یقینی بنایا جا سکے کہ وہ آرام اور عزت کی زندگی گزار سکیں۔لیفٹیننٹ گورنر نے کہا کہ پورے ملک کو جموں و کشمیر پولیس پر فخر ہے کہ انہوں نے پچھلے مہینے ملی ٹینسی کے نیٹ ورک کا پتہ لگا کر اسے ختم کر کے دہشت گردی کو اپنے راستے میں روکا۔ انہوں نے جموں و کشمیر پولیس کی باریک بینی سے تحقیقات اور ملی ٹینسی کی کارروائیوں کا پتہ لگانے، اس میں خلل ڈالنے اور روکنے کی کثیر جہتی کوششوں کی تعریف کی۔انہوں نے سینئر افسران کوملی ٹینٹوں کی مالی معاونت کے رابطوں میں خلل ڈالنے اور بعض علیحدگی پسند عناصر کی طرف سے بنیاد پرستی کی کوششوں کا مثبت طریقے سے مقابلہ کرنے کی بھی ہدایت کی۔
