ملک میں انفیکشن کی رفتار کم ہوگئی | 2لاکھ 57ہزار نئے معاملات،4194اموات

نئی دہلی// ملک میں کورونا وائرس (کووڈ۔19) کے انفیکشن کی رفتار کم ہونے کے درمیان پچھلے 24 گھنٹوں کے دوران متاثرین کی تعداد کے مقابلے صحت یاب ہونے والے مریضوں کی تعداد میں اضافہ ہونے سے صحتیابی کی شرح بڑھ کر 87.76 فیصد ہوگئی ہے۔ اس دوران ، ملک میں کورونا انفیکشن کے 2,57,299 نئے کیس رپورٹ ہوئے ، جب کہ صحت مند ہونے والے مریضوں کی تعداد 3,57,630 رہی۔دریں اثناء 14 لاکھ 58 ہزار 895 افراد کو کورونا ویکسین کی ویکسین لگائی گئی۔ ملک میں اب تک 19 کروڑ 33 لاکھ 72 ہزار 819 افراد کی ٹیکہ کاری کی جاچکی ہے۔ہفتہ کی صبح مرکزی وزارت صحت کی طرف سے جاری اعداد و شمار کے مطابق ، 2,57,299 نئے معاملوں کے ساتھ ، متاثرہ افراد کی تعداد 2 کروڑ 62 لاکھ 89 ہزار 290 ہوگئی ہے۔ اس دوران 3 لاکھ 57 ہزار 630 مریض صحت مند ہوچکے ہیں اور اب تک 2,30,70,365 افراد ملک میں اس وبا کو شکست دے چکے ہیں ، جس سے ریکوری کی شرح 87.76 فیصدہوگئی ہے۔ اس دوران فعال معاملات کم ہو کر 29 لاکھ 23 ہزار 400 رہ گئے ہیں۔ 4194 مریضوں نے اپنی زندگیاں گنوائیں اور اس بیماری سے مرنے والے افراد کی تعداد 2,95,525 ہوگئی ہے۔ملک میں سرگرم کیسوں کی شرح کم ہوکر 11.12 فیصد ہوگئی ہے جبکہ اموات کی شرح بڑھ کر 1.12 فیصد ہوگئی ہے۔