محکمہ سیاحت میگا فیسٹول کا انعقاد کرے گا:بصیر خان | سیاحوں کی خاطر خواہ مہمان نوازی پر دھیان دینے کی تلقین

سرینگر//سیاحت اور اس سے وابستہ سرکاری محکمے کشمیر میں سیاحت کے شعبے کو بڑے پیمانے پر تقویت بخشنے اور فروغ دینے کے لئے بڑے میلوں کا اہتمام کریں گے۔لیفٹیننٹ گورنر کے مشیر بصیر خان نے ایس کے آئی سی سی سرینگر میں افسران کے ساتھ محکمہ سیاحت کی جائزہ میٹنگ میں سیاحت شعبے کو فروغ دینے پر زور دیا۔میٹنگ میں سیکریٹری سیاحت سرمد حفیظ ،ناظم سیاحت کشمیر ڈاکٹر جی این ایتو ، ،منیجنگ ڈائریکٹر جے کے ڈی ٹی سی نثار احمد ، سی ای او پہلگام مشتاق سمنانی اور دیگر متعلقہ اَفسران نے شرکت کی۔اِس موقع پر مشیر بصیر خان نے افسران سے کہا کہ محکمہ سیاحت میگا فیسٹول کی سیریز کا انعقاد کرے گا جس میں ٹیولپ فیسٹول ، بادام واری فیسٹول ، ہاؤس بوٹ فیسٹول ، پہلگام فیسٹول اور دیگر سرگرمیاں شامل ہیں اور انہیں ہدایت دی کہ وہ تجربات کو بہت یاد گار بنانے کے لئے تمام اِقدامات کریں۔ انہوں نے افسران کو ہدایت دی کہ ہوائی اڈے پر سیاحوں کی سہولیت کے لئے خاطر خواہ مہمان نوازی کاانتظامات کریں ۔ اس کے علاوہ انہوں نے ہوٹل مالکان کو ہدایت دی کہ وہ کووِڈ ٹیسٹنگ کے آلات کو اپنی جگہ پر جاری رکھیں۔اِس موقعہ پر مشیر کوجانکاری دی گئی کہ اِن تقاریب کے دوران دستکاری ، ہینڈلوم مصنوعات اور ثقافتی سرگرمیوں کی کارکردگی کی ایک براہ راست نمائش منعقد کی جائے گی۔ اُنہیں یہ بھی بتایا گیا کہ سیاحوں کو راغب کرنے کے لئے نمایاں مقامات بشمول ہوائی اڈوں ، میٹرو سٹیشنوں ، ٹریول مارٹس اور دیگر عوامی مقامات پرپُرجوش مہم چلائی جارہی ہے ۔ناظم سیاحت کشمیر نے کہا کہ سیاحوں کی آمد میں اضافہ ہوا ہے اور ان تقاریب کے انعقاد کے ساتھ تعداد میں کئی گنا اضافہ ہوگا۔ انہوں نے کہا کہ تمام شراکت داروں کو اعتماد میں لیا گیا ہے اور ان سے کہا گیا ہے کہ وہ اپنے وسائل کو مؤثر طریقے سے استعمال کریں۔دریں اثنا مشیر خان نے ائیرپورٹ سے سری نگر جانے والے روڈسائڈس کو فیس لفٹنگ اور آرٹ ، جمالیاتی اور زمین کی تزئین کی مصوری کے ذریعے فلائی اوور کو خوبصورت بنانے کے لئے سخت احکامات جاری کئے ۔ مشیر کوجانکاری دی گئی کہ قومی شاہراہ اور مقامات پر مختلف آرگنائزیشنوں کی طرف سے 207 سڑک پر دستیاب سہولیات فراہم کی گئی ہیں۔بصیر خان نے افسران پرنمائشی فواروں کو کارآمد بنانے پر بھی زور دیا۔پہلگام کلب کی انوینٹری کی حیثیت اور فعالیت کا جائزہ لیتے ہوئے مشیر نے کہا کہ پہلگام ایک بہترین اور سحر انگیز سیاحتی مقام ہے اور متعلقہ افسران کو ہدایت دی کہ وہ سیاحوں کو راغب کرنے کے لئے شام کے پروگرام اور شو شروع کریں۔ اِن کے علاوہ اُنہوں نے رائل گالف کورس کو عوام کے لئے کھولنے کے علاوہ بابا ڈیمب کی خوبصورتی اور وہاں آبی کھیلوں کی سرگرمیاں چلانے پر بھی زور دیا۔مشیر موصوف نے جی این ایتو کو ہدایت دی کہ وہ سیاحوں کے ساتھ بہتر طریقے پر پیش آنے کے اقدامات کریں اور سڑک اور ریل کے ذریعے وادی آنے کی سہولیات میں بھی بہتری لائیں۔

 

 

 

جموں//محکمہ سیاحت نے سیاحتی یونٹوں کی آن لائن رجسٹریشن دوبارہ شروع کی ۔ اس موقع پر سیکریٹری سیاحت ، ثقافت ، امورنوجوان و کھیل کود سرمد حفیظ نے رسمی طور آن لائن سروس شروع کی۔آن لائن طریقہ کے مطابق سیاحتی یونٹ ہولڈر محکمہ کو جے اینڈ کے ٹورسٹ ٹریڈ ایکٹ 1978/2011 کے تحت اپنے یونٹ کی رجسٹریشن کے لئے وقف پورٹل www.tourismjk.nic.inپر دستیاب چیک لسٹ کے مطابق چند دستاویزات لاگنگ کر کے اَپ لوڈ کر سکتے ہیں۔ مجاز حاکم دستاویزات کی آن لائن جانچ کر یں گے اور معائینہ کر کے رجسٹریشن اسناد جاری کریں گے۔اس طرح محکمہ اور یونٹ ہولڈر کو رجسٹریشن کے لئے آمنے سامنے نہیں آنا پڑے گا اور تمام معاملات شفاف طریقے سے نمٹائے جائیں گے۔ابتدائی طور پر آن لائن رجسٹریشن ٹریول یونٹوں کے سلسلے میں دوبارہ شروع کردی گئی ہے اور آہستہ آہستہ اس کی توسیع دوسرے سیاحت یونٹوں اور ان کی تجدید تک بھی کردی جائے گی۔ڈائریکٹر سیاحت کشمیر ، ایم ڈی جے کے ٹی ڈی سی ، ڈائیریکٹر ایس کے آئی سی سی، ایم ۔ گالف ڈیولپمنٹ  اتھارٹی ، گلمرگ اور پہلگام اتھارٹیوں کے سی ای اوز، جوائنٹ دائریکٹر کشمیر ، محکمہ سیاحت کے ڈپٹی ڈائریکٹران اور محکمہ سیاحت دیگر اعلیٰ افسران موجو دتھے۔