یو این آئی
نئی دہلی //وزیر داخلہ امیت شاہ نے کہا کہ مرکزی حکومت کی اولین ترجیح جموں و کشمیر کے لوگوں کی حفاظت کو یقینی بنانا ہے۔انہوں نے کہا کہ جموں کشمیر سے دفعہ 370 کی منسوخی اور دہشت گردی کے خلاف زیرو ٹالرنس کی پالیسی نے محفوظ اور پرامن ماحول پیدا کرنے میں مدد کی ہے۔انہوں نے کہا کہ گزشتہ 10سالوں میں نہ صرف مرکز کے زیر انتظام علاقے میں ملی ٹینٹوں کی تعداد میںکمی آئی بلکہ عام شہریوں اور سیکورٹی فورسز کی ہلاکت بھی کم ہوئی ۔ سوشل میڈیا وئب سائٹ ایکس پر ٹویٹس میں امیت شاہ نے کہا کہ’ وزیر اعظم نریندر مودی کی قیادت والی حکومت کی اولین ترجیح جموں کشمیر کے لوگوں کی حفاظت کو یقینی بنانا ہے‘‘ ۔انہوں نے مزید لکھا کہ دفعہ 370 کی منسوخی اور ملی ٹینسی کے خلاف زیرو ٹالرنس کی پالیسی سے پرامن ماحول پیدا ہوا۔ انہوں نے لکھا ’’وزیر اعظم مودی حکومت کے پچھلے 10 سالوں میں، دہشت گردوں کی تعداد میں کمی واقع ہوئی، عام شہریوں کی موت اور سیکورٹی فورسز کی ہلاکت میں بھی نمایاں کمی آئی ‘‘۔ انہوں نے لکھا کہ جموں کشمیر امن و امان ماحول قائم ہو گیا ہے ۔ انہوں نے مزید لکھا کہ سال 2023میں تشدد کے واقعات میں سو فیصد کمی آئی ہے ۔ عام شہری ہلاکتوں میں 81فیصدی کمی آئی ہے اور اسی طرح سے دہشت گردی میں 69فیصداور سیکورٹی فورسز کی ہلاکتوں میں 47فیصد کمی آئی ہے ۔
