عاصف بٹ
کشتواڑ//محکمہ میونسپل کمیٹی کے عارضی ملازمین کی کام چھوڑ ہڑتال مسلسل دوسرے روز بھی جاری رہی جسکے سبب قصبہ بھر میں گندگی کے ڈھیر جمع ہیں اور ان سے ہرسو بدبو پھیل رہی ہے۔ میونسپل کمیٹی کے دفترمیں اپنی مانگوں کو لیکر احتجاج کررہے ملازمین نے بتایا کہ جب تک انتظامیہ انکے مطالبات کو حل نہیں کرےگی تب تک احتجاج جاری رہے گا۔اس موقعہ پر بات کرتے ہوئے ملازمین نے بتایا کہ محکمہ میں گزشتہ چار دہائیوں سے ملازمین عارضی طور کام کررہے ہیں جبکہ انکے مطالبات کو پورا کرنے کے بجائے انہیں حقوق سے محروم رکھا جارہا ہے۔ انھوں نے بتایا کہ گزشتہ کئی برسوں سے ہمارے مطالبات کو حل نہیں کیاجارہا ہے جسکے سبب ہم مجبور ہوکر احتجاج کررہے ہیں۔ انھوں نے ا علیٰ حکام سے جلد مطالبات کو پورا کرنے کا مطالبہ کیا۔ میونسپل کمیٹی کے ملازمین کی ہڑتال کے سبب قصبہ میں جگہ جگہ گندگی کےڈھیر جمع ہوئے ہیںجن سے اب بدبو پھیل رہی ہے۔ مقامی لوگوں نے انتظامیہ سے جلد کوئی قدم اٹھانے کا مطالبہ کیا ہے تاکہ بیماریاں نہ پھیل سکیں۔ عوام نے انتظامیہ نے قصبہ میں جمع گندگی کو جلد صاف کرنے کا مطالبہ کیا ہے۔
عارضی صفائی ملازمین کی کام چھوڑ ہڑتال مسلسل دوسرے روز جاری | کشتواڑ قصبہ کوڑادان میں تبدیل قصبہ بھر میں گندگی کے ڈھیرجمع، ہرسو بدبو ہی بدبو
