عظمیٰ نیوز سروس
کشتواڑ//ضلع کشتواڑ میں بھاری عوام شرکت کے بیچ سوچھتا ہی سیوا مہم کا آغاز کیاگیا۔ صبح 10 بجے سے 11 بجے تک ایک گھنٹہ کا شرمدان منعقد کیا گیا، جس میں ملک کی صفائی میں اہم کردار ادا کرنے کی اجتماعی کوشش پر زور دیا گیا۔ایک سوچھتا ریلی جس میں ڈی سی آفس کے افسروں، اہلکاروں اور عملے کے ساتھ سی آر پی ایف کی 52ویں بٹالین کے افسران اور جوانوں کے علاوہ 500 سے زائد شہریوں نے ڈی سی آفس سے تاریخی چوگان گراؤنڈ کشتواڑ تک آئی/سی کی قیادت میں مارچ کیا۔ڈی سی آفس کمپلیکس کشتواڑ کے اندر رہنے والے ضلعی دفاتر اور تحصیل ہیڈ کوارٹر، بلاکس اور پنچایتوں میں بھی ایک میگا صفائی مہم چلائی گئی، جس میں سرکاری اور میونسپل دفاتر شامل تھے۔
منی سیکرٹریٹ ڈی سی آفس کمپلیکس کشتواڑ میں افسروں اور اہلکاروں کو دیے گئے ایک سوچھتا عہد کے ساتھ صفائی کے عزم کو مضبوطی سے اجاگر کیا گیا۔اسی طرح کے اقدامات کی بازگشت سرکاری دفاتر اور تعلیمی اداروں کے ذریعے ہوئی۔قصبہ کشتواڑ میں میونسپل کونسل کشتواڑ نے محکمہ پولیس کے تعاون سے ایک صفائی مہم اور جنرل بس سٹینڈ سے گرلز ہائر سیکنڈری سکول کشتواڑ تک ایک “سوچھتا ریلی” کا انعقاد کیا، جس میں سکولی طلباء ، عام لوگوں اور شہری لوگوں کی فعال شمولیت کا مشاہدہ کیا گیا۔”سوچھتا ہی سیوا ابھیان” مہم کے تحت، کیرو، کوار، اور پکل ڈول ایچ ای پی پروجیکٹ سائٹس پر بھی میگا صفائی مہم چلائی گئی جس میں ان ہائیڈرو الیکٹرک پاور پروجیکٹس، این ایچ پی سی اور سی وی پی پی ایل کے پروجیکٹس کے سربراہ، عملہ اور کارکنان شامل تھے۔تحصیل سوشل ویلفیئر آفیسر چھاترونے گورنمنٹ گجر اینڈ بکروال بوائز ہاسٹل چھاترو ضلع کشتواڑ میں صفائی مہم کا اہتمام کیا۔ ضلع کشتواڑ میں سوچھتا ہی سیوا مہم نے ایک مثالی سطح کے عزم اور جوش کا مشاہدہ کیا، جس میں تقریباً 2,000 شرم دان سرگرمیاں جن میں 60,000 سے زیادہ شہری شامل تھے احتیاط کے ساتھ ویڈیو گرافی اور فوٹو گرافی کے ذریعے ریکارڈ کیے گئے۔
