یو این آئی
کولمبو/ہندوستان کی ٹی-20 ٹیم کے کپتان سوریہ کمار نے پاکستان کے خلاف شاندار بیٹنگ کرنے والے ایشان کشن اور گیند بازوں کی تعریف کی۔ پاکستان کے خلاف 61 رنز سے فتح حاصل کرنے کے بعد سوریہ کمار نے کہا کہ ہ جیت ہندوستان کے لیے ہے ۔ ہم اسی طرز کا کرکٹ کھیلنا چاہتے ہیں اور ٹاس کے وقت بھی میں نے کہا تھا کہ ہم پہلے بیٹنگ کرنا چاہتے تھے ۔
ابتدا میں ہم نے وکٹ گنوا دیے ، لیکن کشن نے عمدہ بیٹنگ کی۔ 155 رنوں کا اسکور مقابلے کو سنسنی خیز بنا سکتا تھا، لیکن 175 سے زائد اسکور تھا۔ تلک، رنکو اور شیوَم سب نے اچھی بیٹنگ کی اور بولنگ میں بھی سب نے عمدہ کارکردگی کا مظاہرہ کیا۔وہیں پلیئر آف دی میچ ایشان کشن نے کہا کہ ‘وکٹ اتنا آسان نہیں تھا، لیکن آپ کو خود پر اعتماد رکھنا ہوتا ہے ، اس لیے میں صرف گیند کو دیکھ کر کھیلنے کی کوشش کر رہا تھا۔ میں نے آف سائیڈ کھیل پر بہت محنت کی ہے ، یہ بڑا گراؤنڈ ہے اور یہاں گیپ بھی ملتا ہے ، اس لیے میں گیپ میں شاٹ کھیلنے کی کوشش کر رہا تھا۔ ہندوستان اور پاکستان کے مابین مقابلہ ہمیشہ خاص ہوتا ہے ، نہ صرف ہمارے لیے ، بلکہ ہمارے ملک کے لیے بھی۔ ان کی ٹیم میں کافی اچھے اسپنرز تھے اور اس جیت سے ہمیں ٹورنامنٹ میں آگے کے لیے کافی اعتماد ملے گا۔ جب شاہین آفریدی بولنگ کر رہے تھے تو ایسا لگا کہ پچ سے تیز گیند بازوں کو زیادہ مدد نہیں مل رہی، لیکن جس طرح ہاردک پانڈیا اور جسپریت بمراہ نے بولنگ کی، وہ لاجواب تھی۔
