سمارٹ سٹی کے سی ای اوکاشہرخاص کادورہ دوران شب پروجیکٹوں کے کام کاجائزہ لیا

 عظمیٰ نیوزسروس

سرینگر//چیف ایگزیکیٹوافسرسری نگر سمارٹ سٹی لمیٹڈ ڈاکٹر اویس احمد نے سری نگرسمارٹ سٹی لمیٹڈ ( ایس ایس سی ایل)اور سری نگر میونسپل کارپوریشن( ایس ایم سی) کے اَفسران کے ہمراہ دوران شب شہر خاص سری نگرمیں جاری سمارٹ سٹی پروجیکٹوں کا اچانک معائینہ کیا اور مختلف پروجیکٹ سائٹس پر ہونے والے کام کی پیش رفت کا جائزہ لیا۔اِس دورے کا مقصد سمارٹ سٹی پروجیکٹوں کی بروقت تکمیل کے لئے رات کے اَوقات میں کام کا جائزہ لینا تھا۔ سی اِی او نے معائینے کے دوران ہر پروجیکٹ سائٹ پر ہونے والی پیش رفت کا بغور جائزہ لیا اور کسی بھی چیلنج یا رُکاوٹوں کو دُور کرنے کے لئے اَفسروں اور عمل درآمد کرنے والی ایجنسیوں کے ساتھ بات چیت کی جو پیش رفت میں رُکاوٹ بن سکتی ہے ۔سی ای او نے اس میں شامل تمام شراکت داروں کے درمیان مؤثر تال میل کی اہمیت پر زور دیا اور پروجیکٹوں کی بروقت تکمیل اور بغیر کسی رُکاوٹ کے عمل در آمد کی ضرورت پر زعور دیا۔سی اِی او کی کامیابی سے تکمیل تک پروجیکٹوں کی نگرانی کرنے کا طریقہ اور عزم اور دن اور رات کی شفٹوں میں منصوبوں کو انجام دینے کے لئے تمام شراکت داروں کی لگن کا شکریہ اَدا کرتا ہے ۔