راج گڑھ میں کسان میلہ وبیداری کیمپ منعقد

 رام بن// محکمہ زراعت رام بن نے پائیدار زراعت کے لئے مٹی ہیلتھ کارڈ سکیم نیشنل مشن کے تحت بلاک راج گڑھ میں ایک روزہ کسان میلہ و آگاہی کیمپ کا انعقاد کیا۔اس کیمپ کو ڈسٹرکٹ ڈیولپمنٹ کونسل کے ممبر محمد شفیع اور بی ڈی سی چیئرپرسن راج گڑھ سونیکا دیوی نے  شرکت کی۔ابتداء میں چیف زرعی آفیسر ایف۔ اے بھٹ نے استقبالیہ خطبہ پیش کیا اور حکومت کی جانب سے زراعت کی پیداوار کو بڑھانے کے لئے شروع کی گئی کسانوں کی فلاح و بہبود کی مختلف سکیموں کے بارے میں آگاہ کیا۔کیمپ سے خطاب کرتے ہوئے ڈی ڈی سی ممبر نے آگاہی کیمپ کے انعقاد کے لئے محکمہ زراعت کی کاوشوں کو سراہا۔ انہوں نے کسانوں سے اپیل کی کہ وہ آگے آئیں اور تمام محکمہ جاتی اسکیموں سے زیادہ سے زیادہ فوائد حاصل کریں۔تحصیلدار ، راج گڑھ اومی راج سمبریہ اور ڈی اے او ، اشونی شرما نے بھی کھیتی باڑی میں بدعات اور نئی تکنیک کی اہمیت پر روشنی ڈالی۔کیمپ کے دوران ، لوگوں کو مٹی کی صحت کی بحالی اور محکمہ زراعت کے ذریعہ ضلع بھر میں چلائی جانے والی دیگر مختلف فلیگ شپ اسکیموں کے بارے میں حساس بنایا گیا تاکہ 2022 تک کسانوں کو اپنی آمدنی دوگنا کرنے کے علاوہ زیادہ سے زیادہ فوائد حاصل کیے جاسکیں۔