عظمیٰ نیوزسروس
پانپور// معروف سماجی کارکن اور شانِ کشمیراخبار کے ایڈیٹر خالد وانی نے پانپور کے صنعتی یونٹ ہولڈرز کے صدر کا چارج سنبھال لیا۔ اس موقع پر یونٹ ہولڈرز کی جانب سے خالد وانی کو مبارکباد دی گئی اور پھولوں کے ہار پہنائے گئے۔ یونٹ ہولڈرز نے خالد وانی کو محبت اور احترام کے نشان کے طور پر شال بھی پیش کی۔اس موقع پر خطاب کرتے ہوئے خالد نے ان پر اعتماد کرنے پر یونٹ ہولڈرز کا شکریہ ادا کیا۔ انہوں نے یونٹ ہولڈرز کو یقین دلایا کہ وہ یونٹ ہولڈرز کے مسائل حل کرنے میں کوئی کسر نہیں چھوڑیں گے۔ انہوں نے کہا کہ یونٹ ہولڈرز کی طرف سے اٹھائے گئے مختلف مسائل کو متعلقہ حکام کے ساتھ اٹھایا جائے گا تاکہ شکایات کا ازالہ کیا جا سکے۔
