ایجنسیز
کیپ ٹاؤن/جنوبی افریقہ کو بڑا دھچکا لگ گیا۔ فاسٹ باؤلر اینریخ نوکیا انجری کے باعث آئی سی سی چیمپئنز ٹرافی سے باہر ہوگئے ہیں۔کرکٹ جنوبی افریقہ کے مطابق اینریخ نوکیا کمر کی انجری کے باعث اگلے ماہ ہونے والی چیمپئنز ٹرافی سے باہر ہو گئے، نوکیا جنوبی افریقہ کے چیمپئنز ٹرافی کے لئے15 رکنی سکواڈ میں شامل تھے۔کرکٹ جنوبی افریقہ کے مطابق اینرخ نوکیا کا سکین کرانے کے بعد ان کی انجری کا اندازہ ہوا۔ فاسٹ باؤلر کے ٹورنامنٹ تک ری کور کرنے کی توقع نہیں ہے جبکہ متبادل کھلاڑی کا اعلان بعد میں کیا جائے گا۔ واضح رہے کہ آئی سی سی چیمپئنز ٹرافی 19فروری سے پاکستان اور متحدہ عرب امارات میں کھیلی جائے گی۔
