پرویز احمد
سرینگر //جموں صوبے میں کورونا وائرس نے ایک مرتبہ پھر سر نکالا ہے۔ منگل کو جموں صوبے میں 8دنوںکے بعد منگل کو ایک شخص کی رپورٹ مثبت آئی ہے جبکہ کشمیر صوبے میں7افراد کی رپورٹیں مثبت آئی ہیں۔ متاثرین کی مجموعی تعداد 4لاکھ 53ہزار 897ہوگئی ہے۔ اس دوران جموں و کشمیر میںمسلسل 29ویں دن بھی کورونا وائرس سے کسی کی موت نہیں ہوئی ہے۔متوفین کی مجموعی تعداد 4750بنی ہوئی ہے۔ محکمہ صحت کی جانب سے فراہم کئے گئے اعداد و شمار کے مطابق جموں و کشمیر میں ایک دن وائرس سے متاثر ہونے کا سلسلیہ تھمنے کے بعد منگل کو پھر سے شروع ہوگیا ہے اور پچھلے 24گھنٹوں کے دوران جموں و کشمیر میں کورونا وائرس کی تشخیص کیلئے19ہزار 161ٹیسٹ کئے گئے جن میں 8افراد کی رپورٹیں مثبت آئی ہیں۔ جموں صوبے میں 8دنوں تک وائرس سے متاثر ہونے کا سلسلہ تھمنے کے بعد ایک مرتبہ پھر وائرس سے ایک شخص متاثر ہوا ہے۔ جموں صوبے کے 9اضلاع جن میں ادھمپور ، راجوری ، پونچھ، کٹھوعہ، سانبہ، کشتواڑ، رام بن، ڈوڈہ اور ریاسی میں کسی کی رپورٹ مثبت نہیں آئی ہے جبکہ ضلع جموں میں ایک کی رپورٹ مثبت آئی ہے۔ جموں ضلع میں مثبت قرار دیا گیا شخص مقامی سطح پر رابطے میں آنے کی وجہ سے متاثر ہوا ہے۔جموں صوبے میں متاثرین کی مجموعی تعداد 1لاکھ 66ہزار274ہوگئی ہے۔ اس دوران جموں صوبے میں مسلسل 29ویں دن بھی کورونا وائرس سے کسی کی جان نہیں گئیی ہے۔ جموں صوبے میں متوفین کی مجموعی تعداد 2327بنی ہوئی ہے۔ کشمیر صوبے کے 8اضلاع جن میں بڈگام، پلوامہ، کپوارہ، اننت ناگ، بانڈی پورہ، گاندربل، کولگام اور شوپیان میں کسی کی رپورٹ مثبت نہیں آئی ہے جبکہ ضلع سرینگر میں 5اور بارہمولہ میں 2افراد کو مثبت قرار دیا گیا ہے۔مثبت قرار دئے گئے سبھی 7افراد مقامی سطح پر رابطے میں آنے کی سے متاثر ہوئے ہیں۔ کشمیر میں متاثرین کی مجموعی تعداد 2لاکھ 87ہزار 623ہوگئی ہے۔اس دوران وادی میں مسلسل38ویں دن بھی کورونا وائرس سے کسی کی موت نہیں آئی ہے۔ متوفین کی مجموعی تعداد 2423بنی ہوئی ہے۔
ملک میں کوروناکیسز
۔796مثبت،19ہلاکتیں
یو این آئی
نئی دہلی // قومی کووڈ ویکسینیشن مہم کے تحت ملک بھر میں 185.90 کروڑ سے زیادہ کووڈ ویکسین لگائی گئی ہیں۔ صحت اور خاندانی بہبود کی مرکزی وزارت نے منگل کو بتایا کہ 185 کروڑ 90 لاکھ 68 ہزار 616 کووڈ ویکسین لگائی جاچکی ہیں۔ وزارت نے کہا کہ گزشتہ 24 گھنٹوں میں کووڈ انفیکشن کے 796 نئے مریض سامنے آئے اور مزید 19ہلاکتیں ہوئیں۔ اس کے ساتھ ہی ملک میں کورونا کے مریضوں کی تعداد کم ہو کر 10 ہزار 889 ہو گئی ہے۔
