عظمیٰ نیوز سروس
سرینگر//موسمیاتی مرکز سرینگر نے جمعرات کو موسم کی تازہ ایڈوائزری جاری کی، جس میں کہا گیا کہ جموں و کشمیر میں 24 فروری تک کسی بڑی بارش یا برف باری کا کوئی امکان نہیں ہے۔محکمہ نے بتایا کہ 13 فروری کو موسم عام طور پر ابر آلود رہے گا اور الگ تھلگ اونچائی پر ہلکی برفباری کا امکان ہے۔14 سے 16 فروری تک موسم عام طور پر خشک رہے گا۔ 16 فروری کی شام کو الگ تھلگ اونچائی پر ہلکی برفباری کا امکان ہے۔ انہوں نے کہا کہ 17 فروری کو موسم ابر آلود رہنے کے ساتھ ہلکی بارش اور الگ تھلگ مقامات پر برفباری کا امکان ہے۔انہوں نے مزید کہا کہ 18 سے 24فروری تک موسم خشک اور ابر آلود رہنے کا امکان ہے۔ محکمہ نے مسافروں اور ٹرانسپورٹرز کو مشورہ دیا کہ وہ متعلقہ ٹریفک یونٹ سے سڑک اور ہائی وے کی حیثیت کی تصدیق کریں اور سفر کی منصوبہ بندی کرنے سے پہلے ایڈوائزری پر عمل کریں۔محکمہ نے برف سے ڈھکی ہوئی اونچی جگہوں پر رہنے والوں کو مشورہ دیا کہ وہ اپنی حفاظت کے لیے برفانی تودے کے شکار علاقوں میں نہ جائیں۔
