سرینگر میںپارہ منفی 4.4،شوپیان منفی 6.6ڈگری کیساتھ سرد ترین مقام
عظمیٰ نیوز سروس
سرینگر//سردی کی لہر کے حالات نے جموں و کشمیر اور لداخ پر اپنی گرفت مضبوط کر دی ہے کیونکہ بیشتر مقامات پرکم سے کم درجہ حرارت میں تیزی سے کمی ریکارڈ کی گئی ہے اورکئی سٹیشن میں درجہ حرارت نقطہ انجماد سے کافی نیچے رہا۔
پیش گوئی
موسمیاتی مرکز سرینگر نے اتوار کو کہا کہ جموں و کشمیر میں موسم 5 دسمبر تک بڑے پیمانے پر خشک رہنے کی توقع ہے، خطے کے بیشتر حصوں میں بارش کی کوئی پیش گوئی نہیں ہے۔محکمہ موسمیات نے کہا کہ، عام طور پر، 3 دسمبر تک خشک حالات برقرار رہیں گے۔ “4 اور 5 دسمبر کو مطلع زیادہ تر ابر آلود رہنے کا امکان ہے، خاص طور پر 4 دسمبر کی شام سے، الگ تھلگ اونچائی والے علاقوں میں ہلکی برفباری کے امکانا ت بھی ہیں۔”محکمہ نے کہا کہ 6 دسمبر سے 10 دسمبر تک مرکز کے زیر انتظام علاقوں میں موسم جزوی سے عام طور پر ابر آلود رہے گا۔ 11 اور 12 دسمبر کو بھی ابر آلود رہنے کا امکان ہے۔محکمہ موسمیات نے مزید کہا کہ کشمیر ڈویژن میں کئی مقامات پر اور جموں ڈویژن کے الگ تھلگ مقامات پر خاص طور پر رات اور صبح کے اوقات میں ہلکی سے درمیانی دھند چھائی رہے گی۔ مقامی لوگوں کو مشورہ دیا گیا ہے کہ وہ ایسے علاقوں میں سفر کرتے وقت احتیاط برتیں جہاں حد نگاہ خراب ہو۔محکمہ موسمیات کا کہنا ہے کہ سرد اور خشک حالات 4 دسمبر تک جاری رہنے کا امکان ہے جس کے بعد کم سے کم درجہ حرارت میں معمولی بہتری کا امکان ہے۔ اس نے کہا کہ 4 دسمبر کے بعد رات کے درجہ حرارت میں تقریباً 1 سے 2 ڈگری سیلسیس کا اضافہ متوقع ہے۔
درجہ حرارت
سرینگر میں کم سے کم درجہ حرارت منفی4.4 ڈگری سینٹی گریڈ ریکارڈ کیا گیا۔ بہت سے دوسرے علاقوں میں بھی شدید سردی دیکھی گئی۔ پہلگام میں منفی 5.6 ، کپواڑہ منفی 5.0 ، اور اننت ناگ منفی 6.0 تک گر گئے۔ تاہم، وادی میں سب سے زیادہ سرد مقام شوپیان منفی 6.6 پر تھا، جب کہ بارہمولہ منفی 6.4 تک گر گیا۔ گلمرگ میں منفی 1.4 ،قاضی گنڈ اور اونتی پورہ دونوں بالترتیب منفی 3.0 اور منفی 4.4 درج ہوا۔جموں خطے میں سردی کی شدت میں اضافہ ہوا کیونکہ جموں شہر میں کم از کم درجہ حرارت 8.8 ڈگری سینٹی گریڈ ریکارڈ کیا گیا۔ اونچائی والے علاقے زیادہ سرد رہے، بانہال میںمنفی 0.7 ، بھدرواہ میں 0.3 ، اور سانبہ میں 1.9 تک پہنچ گیا۔ راجوری اور ادھم پور میں بھی بالترتیب 1.5 اور 3.0 درجہ حرارت ریکارڈ کی گیا۔بٹوٹ 4.5 ، رام بن 4.2 ، کشتواڑ 4.0 ، ریاسی 6.4 ، ڈوڈہ 4.5 اور کٹھوعہ 7.4 سمیت خطے کے دیگر سٹیشنوں پر درمیانے درجے کی سردی پڑی۔مرکز کے زیر انتظام علاقے لداخ میں، درجہ حرارت شدید سطح پر گر گیا ۔ زوجیلا پاس انتہائی سرحد منفی 15.0 ڈگری پر جم گیا۔ نیومہ میں سب سے کم منفی16.3 ڈگری ، دراس منفی12.4 ، پدم منفی12.6 کے حالات دیکھے گئے۔ لیہہ میں منفی 9.2 ڈگری سینٹی گریڈ پر ٹھہرا، جبکہ کرگل میںمنفی 8.5 ڈگری سینٹی گریڈ ریکارڈ کیا گیا۔ کشمیر ڈویژن کے کئی مقامات اور جموں ڈویژن کے الگ تھلگ مقامات پر ہلکی سے درمیانی دھند جاری رہنے کا امکان ہے۔
