جالندھردہلی قومی شاہراہ پر کسانوں کا دھرنا

جالندھر // کوئلے کی کمی کی وجہ سے پنجاب میں جاری بجلی بحران کے سلسلے میں کسانوں نے پیر کو جالندھر-دہلی قومی شاہراہ کو مکمل طور پر جام کر دیا ہے ۔ محکمہ بجلی کے چیف انجینئر (نارتھ) جتندر تانیہ نے منگل سے بجلی کی فراہمی میں بہتری کی یقین دہانی کے بعد کسانوں نے ایک بجے دھرنا ختم کیا۔جالندھر کے پی اے پی چوک پر کسانوں کی ہڑتال کے باعث ٹریفک مکمل طور پر رک گئی۔ جالندھر سے لدھیانہ اور امرتسر کی نقل و حرکت روک دی گئی ہے ۔ ٹریفک کے مسئلے کو دیکھتے ہوئے جالندھر سے دہلی جانے والی بسوں کو پولیس نکودر کے راستے بھیج رہی ہے ۔ پنجاب روڈ ویز جالندھر سے دہلی کے لیے وولوو بس سروس بھی ناکودر کے راستے روانہ کی گئی ہے ۔