عشرت حسین بٹ
پونچھ// ضلع پونچھ میں ایک انسداد ملی ٹینسی آپریشن کے دوران تیار حالت میں نصب دھماکہ خیز مواد (آئی ای ڈی) برآمد کیا گیا۔ سیکورٹی حکام کے مطابق پیر کو ضلع پونچھ کے سرحدی سیکٹر دیگوار کے دلان علاقہ میں ایک سنسان جگہ پر سیکورٹی فورسسز کو ایک کلو وزنی آئی ای ڈی برآمد ہوئی ہے۔ بعد ازاں ماہرین نے اس کو ناکارہ بنا دیا۔ انہوں نے بتایا کہ اس حوالے سے گاؤں اور ملحقہ علاقوں میں خفیہ اطلاع پر سرچ آپریشن شروع کیا گیا تھا جس دوران آئی ای ڈی برآمدد ہوئی ہے۔ اے ایس پی پونچھ موہن شرما نے اس حوالے سے کشمیر عظمی کو بتایا کہ آئی ای ڈی حد متارکہ پر لگی تار کے اس پار تھی اور اسے ناکارہ بنا دیا گیا۔