محمد تسکین
بانہال // بدھ کی شام بومبرن باغ کاشر بزم ادب مہو تحصیل کھڑی ضلع رام بن کی طرف سے محرم الحرام کی نسبت سے عقیدتی ادب کا ایک آن لائین محفل مشاعرہ کا انعقاد کیا گیا جس میں جموں و کشمیر کے معروف و اعلیٰ پایہ کے شعراء و ادباء نے اپنا اپنا کلام پیش کرکے حاضرین و ناظرین کو محظوظ کیا۔اس محفل مشاعرہ کی صدارت انجمن ادب گاندر بل کے صدر اظہر نذیر نے کی جبکہ ڈاکٹر خالد رسول مہمان خصوصی، شبیر حسین شبیر نگران اعلیٰ، محمد عارف کمہار نگران، مضروب بانہالی مہمان ذی وقار کی حیثیت سے آن لائین ادبی نشست میں براجمان رہے۔ اس محفل کی فنی معاونت، محمد عارف کمہار، واجد حسین اورسینئر جرنلسٹ ماجد گنا ئی نے کی۔
اس محفل کے فرائض نظامت منفرد انداز اور سریلی آواز کے ساتھ معروف ٹی۔ وی اینکر شیخ بشیر نے انجام دی۔اس محفل میں ڈاکٹر ظاہر بانہالی نے خطبہ استقبالیہ میں تمام شعراء و ادباء کا استقبال کرتے ہوئے بومبرن باغ کآشر بزم ادب مہو کی کاؤشوں کی بھی سراہنا کرتے ہوئے پھر سے ایک بار بمبور محمد یوسف بٹ کو دیئے گئے پہلے مرغوب ادبی ایوارڈ کی یاد بھی تاذہ کرا ئی۔ اس محفل میں مشاعرہ میں جن شعراء و ادباء نے اپنا کلام پیش کیا ان میں انجینئر عبدالمجید شہباز، ڈاکٹر منصور الہی، مولوی ریاض حاکباری، شہباز یعقوب، انجینیر مشتاق تعظیم، رقیب معراج، گل محمد جان، ڈاکٹر ظاہر بانہالی، مضروب بانہالی، محمد نعیم خان، میر نثار حسین نثار، نظیر جان، مزمل یزدانی، محمدیاسین بیگ دری گآمی، جہانگیر آیاز ہالی، سرور بلبل، محمد افضل فاروقی، محتاج گنستا نی، محمد رفیق طاہر کاوچکی، منشور بانہالی، جواد بانہالی ، شبیر حسین شبیر شامل تھے۔ بومبرن باغ کآشر بزم ادب مہو کے تمام زعماء و اراکین اس محفل میں برابر جڑے رہے خاص کر بمبور محمد یوسف بٹ ،محمد رمضان شیخ، عبدالرشید بٹ، فیاض احمد بٹ، عبد الرشید نایک( سابقہ لمبردار) بلال احمد وانی ( راہی) ،توصیف احمد بٹ، الحاج غلام علی شیخ، الحاج غلام محمد بٹ، ڈاکٹر ظاہر بانہالی، شبیر احمد حجام، غلام نبی نایک، عامر احمد نائیک ،محمد یاور بٹ، نثار احمد نائیک، اعجاز احمد بٹ،منظور احمد گنائی ، فیاض احمد بٹ ( پی۔ایچ۔ای) مولوی غلام قادر ( ابو حماد) ،عاشق احمد بٹ، کے علاوہ گروپ میں شامل تمام ممبران اور دیگر ذی عزت باشندگان مہو ومنگت نے اس عظیم الشان محفل مشاعرہ کی داد دی اور سراہنا کی۔ آخر پر اس محفل کا تحریک شکرانہ سیر ہمدان اننت ناگ کے معروف و اعلیٰ پایہ کے شاعر و ادیب محمد نعیم خان نے بہترین انداز میں پیش کیا اور جہ محفل مشاعرہ کی تقریب رات قریب گیارہ بجے نہایت ہی خوش اسلوبی کے ساتھ انجام کو پہنچی۔
