رمیش کیسر
نوشہرہ //نوشہرہ کے گاؤں بجنوعہ کے پنچایت گھر میں ایک عوامی دربار کا انعقاد کیا گیا، جس کی صدارت ایڈیشنل ڈپٹی کمشنر (اے ڈی سی) ناؤشہرہ نے کی۔ اس عوامی دربار کا مقصد عوامی شکایات کا موقع پر ازالہ کرنا اور دیہی علاقوں میں انتظامیہ اور عوام کے درمیان بہتر رابطہ قائم کرنا تھا۔عوامی دربار کے دوران بڑی تعداد میں مقامی باشندوں نے شرکت کی اور بجلی، پانی، سڑکوں کی حالت، صحت، تعلیم اور دیگر بنیادی سہولیات سے متعلق اپنے مسائل پیش کیے۔ اے ڈی سی پرتیم لال تھاپا نے عوام کی بات غور سے سنی اور متعلقہ محکموں کے افسران کو ہدایت دی کہ شکایات کے فوری حل کے لیے ضروری اقدامات کیے جائیں۔انہوں نے کہا کہ عوامی دربار حکومت کی ایک اہم پہل ہے، جس کا مقصد عوام کو ان کی دہلیز پر انصاف اور سہولتیں فراہم کرنا ہے۔ انہوں نے یقین دلایا کہ جو مسائل فوری نوعیت کے ہیں، انہیں ترجیحی بنیادوں پر حل کیا جائے گا جبکہ دیگر امور کو متعلقہ محکموں کے ذریعے جلد نمٹایا جائے گا۔اس موقع پر مقامی پنچایت نمائندوں نے بھی انتظامیہ کا شکریہ ادا کیا اور کہا کہ اس طرح کے عوامی دربار دیہی علاقوں کے لوگوں کو اپنی آواز براہ راست اعلیٰ افسران تک پہنچانے کا بہترین ذریعہ ہیں۔عوامی دربار کے اختتام پر اے ڈی سی پرتیم لال تھاپا نے متعلقہ افسران کو ہدایت دی کہ عوامی مسائل کے حل میں کسی قسم کی لاپرواہی برداشت نہیں کی جائے گی اور ترقیاتی کاموں میں شفافیت اور تیزی کو یقینی بنایا جائے۔
