عظمیٰ نیوز سروس
سرینگر//بجاج الیانز جنرل انشورنس نے ’’ تْہندِ خاطر‘‘ کے نام سے ایک جدید ہیلتھ انشورنس پروڈکٹ متعارف کرایا ہے، جو خاص طور پر جموں و کشمیر کے رہائشیوں کی صحت کی ضروریات کو مدنظر رکھتے ہوئے تیار کیا گیا ہے۔’’ تْہندِ خاطر‘‘ صرف ایک ہیلتھ پلان ہی نہیں بلکہ جموں و کشمیر کے لوگوں سے ایک عہد ہے، جو ریاست کی منفرد طبی ضروریات کے مطابق ڈھالے گئے کوریج کے ساتھ معیاری طبی سہولیات تک رسائی کو یقینی بناتا ہے۔ بجاج الیانز نے ’’ تْہندِ خاطر‘‘ اس انداز میں تیار کیا ہے کہ یہ ایک عام اور یکساں حل کے بجائے انفرادی ضروریات کے مطابق کوریج فراہم کر سکے۔ یہ پلان خاص طور پر جموں و کشمیر کے لوگوں کیلئے ترتیب دیا گیا ہے، جس میں اسپتالوں کے بنیادی ڈھانچے اور اخراجات کی استطاعت کو مدنظر رکھا گیا ہے تاکہ رہائشیوں کو وہ تحفظ فراہم کیا جا سکے جس کی انہیں ضرورت ہے۔5 لاکھ روپئے سے 20 لاکھ روپئے تک لچکدار رقم بیمہ شدہ آپشنز کے ساتھ’’ تْہندِ خاطر‘‘ یہ یقینی بناتا ہے کہ نوجوان پیشہ ور افراد سے لے کر بزرگ شہریوں کو کوریج کا اختیار ان کے منفرد صحت کے تقاضے کے مطابق مل سکے۔ ’بجاج الیانز جنرل انشورنس کے ایم ڈی اور سی ای او ڈاکٹرتپن سنگھل نے کہا، ’ تْہندِ خاطر‘‘ آپ کے لئے بنایا گیا انشورنس‘ کے ساتھ، ہم ہر ایک ریاست کے منفرد طبی نظام کے مطابق صحت بیمہ کو نئے انداز میں ترتیب دے رہے ہیں۔ صارفین بجاج الیانز جنرل انشورنس کے وسیع نیٹ ورک بشمول شاخیں، شراکت دار بینکوں، کارندوں اور ڈیجیٹل پلیٹ فارموں اور بجاج الیانز کی ویب سائٹ www.bajajallianz.com اورموبائیل ایپ ’کیئرنگلی یورس‘ پر آسانی سے’’ تْہندِ خاطر‘‘ خرید سکتے ہیں۔
