ڈوڈہ//جموں و کشمیر پردیش یوتھ کانگریس نے ایندھن کی قیمتوں میں بے تحاشا اضافے اور مہنگائی احتجاج تیز کردیا۔قومی سکریٹری ہندجگدیو گاگااور جے کے پی وائی سی کے صدرادھئے بانو چب کی سربراہی میں یوتھ کانگریس کے کارکن مین مارکیٹ ڈوڈہ میں جمع ہوئے اور مرکز میں بی جے پی حکومت کے خلاف نعرے بازی کی۔ میڈیا سے گفتگو کرتے ہوئے جگدیو گاگا نے بی جے پی حکومت پر پیٹرول کی قیمتوں میں 100 روپے فی لیٹر کو عبور کرنے پر طنز کیا اور الزام لگایا کہ مودی سرکار "ٹیکس بھتہ" کے تصور کو چلاتی ہے۔ انہوں نے مزید کہا کہ جب "لٹیرے" کسی ملک پر حکومت کرتے ہیں تو عوام کو مہنگائی کا سامنا کرنا پڑتا ہے۔ انہوں نے مزید کہا کہ کورونا وائرس وبائی امراض کے اثرات کے دوران پیٹرول اور ڈیزل سمیت ضروری اشیا کی قیمتوں میں غیر معمولی اضافے کی وجہ سے عام لوگ مشکلات کا شکار ہیں۔ادے بھانو چب نے کہا کہ ملک کے عوام کو انتہائی بے روزگاری ، معاشی بے بسی اور اعلی افراط زر کا سامنا ہے۔ انہوں نے کہا ، "ایسی صورتحال میں عوام کو ریلیف دینے کے بجائے حکومت مہنگائی کے چکر میں پھنس کر عوام کو پیس رہی ہے۔"
ایندھن کی قیمتوں میں اضافہ، مہنگائی کے خلاف
ملک و جہان کی خبروں سے رہیں اپڈیٹ
نیوز لیڑ ای میل پر پائیں
