سرینگر//سرینگر میںچوکیدار نے نامعلوم افراد کی طرف سے ایس پی کالج کو نذر آتش کرنے کی کوشش کو ناکام بنائی جبکہ گڈرو گاندربل میں نامعلوم افراد نے گورئمنٹ ہائی سکول کو آگ لگائی جس دوران وہاں ایک شیڈ جل گیا ۔اس دوران بنڈو کوکرناگ میں سٹیٹ بورڈ آف سکول ایجوکیشن کی عمارت خاکستر ہوئی ۔بدھ اور جمعرات کی درمیانی شب کو نامعلوم افراد نے تاریخی تعلیمی ادارے ایس پی کالج کو نذر آتش کرنے کی کوشش کی تاہم کالج کے چوکیداروں نے اس کوشش کو ناکام بنایا ۔نامعلوم افراد نے کالج کے Botany ڈیپارٹمنٹ کی عمارت کو آگ لگائی تاہم وہاں موجود چوکیداروں نے اس کوشش کو ناکام بنایا اور آگ پر قابو پالیا ۔جس دوران عمارت کی ایک کھڑکی جل گئی ۔کالج کے ایک چوکیدار نے بتایا ’’ہم نے کسی کو نہیں دیکھا تاہم جب عمارت کے ایک کمرے سے دواں نکلنے لگا تو ہم متفکر ہوئے اور عمارت کی طرف دوڑ پڑے اور آگ بجھائی ‘‘۔بتایا جاتا ہے کہ پولیس کی ایک ٹیم نے جمعرات کو کالج جاکر جائز لیا ۔کالج کے پرنسپل نے بتایا کہ پولیس نے واقعہ کا نوٹس لیا ہے اور سچائی کا پتہ لگانے کیلئے تحقیقات شروع کی ہے۔ادھر بنڈو کوکر ناگ میں سٹیٹ بورڈ آف سکول ایجوکیشن کی عمارت کو نامعلوم افراد نے آگ لگائی جس کے نتیجہ میں عمارت کو نقصان پہنچا۔دریں اثناء گڈرو گاندربل میں نامعلوم افراد بت گورئمنٹ ہائی سکول کو آگ لگائی جس دوران وہاں سکول کی 2عمارتوں کے درمیان موجود ٹین کا شیڈ جل گیا اور اس میں موجود کرسیاں ،ٹیبل اور دیگر فرنیچر جل گیا ۔
ایس پی کالج کو نذر آتش کرنے کی کوشش
