آفاتِ سماوی میں میڈیا کے رول پر ویبنار منعقد

سرینگر// نیشنل اِنسٹی چیوٹ آف ڈیزاسٹر مینجمنٹ اینڈ اِنسٹی چیوشن آف انجینئرس (اِنڈیا )جے اینڈ کے سٹیٹ سینٹر سری نگر نے کل جموںوکشمیر اطلاعات ورابطہ عامہ کشمیر محکمہ، کشمیر ایڈیٹرس گلڈ ، کشمیر پریس کلب اورجے کے سٹیٹ ایمرجنسی اوپریشن سینٹر سر ی نگر کے اشتراک سے آفاتِ سماوی کے خطرات کم کرنے میں میڈ یا کے ایک ویب نار کا انعقاد کیا۔ویب نار کا اِفتتاح ناظم اطلاعات ڈاکٹر سیّد سحرش اصغر نے کیا۔ اِس موقعہ پر اَپنے خیالات کا اِظہار کرتے ہوئے اُنہوں نے کہا کہ میڈیا عوام اور اِنتظامیہ کے مابین ایک مؤثر رابطہ ہے جبکہ محکمہ اطلاعات حکومت اور میڈیا کے درمیان ایک اہم رابطہ ہے ۔اُنہوں نے کہا کہ میڈیا کے ساتھ تال میل کے میکانز م کو مزید مستحکم بنانے کی ضرورت ہے تاکہ میڈیا کو آفات سماوی سے متعلق اعداد و شمار تک بروقت رسائی حاصل ہو۔ مصدقہ اعداد و شمار کی عدم دستیابی کے سبب قیاس آرائیوںاشاعت کی صورت میں نکل سکتی ہے ۔اُنہوں نے متعلقہ افسروں کو ہر حادثے سے متعلق اطلاعات فوری طور میڈیا کو فراہم کرنے کے لئے کہا ۔اُنہوںنے مزید کہا محکمہ اطلاعات نے ہمیشہ میڈیا کو تما م اعداد و شمار بروقت فراہم کئے جس میںحالیہ کووِڈ ۔19بلیٹن بھی شامل ہیں ۔انہوں نے اس بات کی تعریف کی کہ میڈیا نے آفات سماوی کے بعد کے واقعات سے قبل عام لوگوں کی ذہنیت میں ایک مثبت تبدیلی لائی ہے ، آفات سے پہلے کے واقعات اور تخفیف کے اقدامات کی طرف اور مقابلہ کاری کی صلاحیتوں کو بڑھانے کے لئے معلوماتی اور خصوصی تربیتی پروگراموں تک رسائی فراہم کی ہے۔ انہوں نے کہا کہ نہ صرف عوامی نشریاتی اداروں بلکہ نجی میڈیا چینلوں کے ساتھ بھی بات چیت کو یقینی بنانا ہے تاکہ افواہ بازی پر قدغن لگائی جاسکے جس کے ہمیشہ منفی اثرات ہی ہوتے ہیں ۔انہوں نے ٹیلی کلاسز اور کووِڈ جانکاری پروگرام ’’سکون‘‘جو کہ محکمہ اطلاعات نے شروع کئے ہیں کے بارے میں بھی بات کی اور میڈیا کو مثبت اور پُر اُمید موضوعات پر توجہ مرکوز کرنے کے لئے کہا۔اس موقعہ پر چیئرمین آئی ای آئی جے کے ایس سی اور نوڈل آفیسر ایس ای او سی عامر علی نے کہا کہ میڈیا آفات سمای کے ہر سطح پر ایک اہم رول ادا کرتا ہے جس میں آفات سے قبل ، آفات کے دوران اور بعد کے حالات شامل ہے ۔ اُنہوں نے کہا کہ میڈیا نے عوام کو سیلاب ،آندھی ، طوفان ، پسیاں گر آنے اور غیر مساوی موسمی حالات سے متعلق جانکاری فراہم کرنے میں اہم رول ادا کیا۔ اس موقعہ پر میڈیا بشمول آل انڈیا ریڈیو سری نگر، ڈپٹی ڈائریکٹر نیوز دور درشن ، فیکلٹی ممبر این آئی ڈی ایم عامر علی خان نے شرکت کی ۔آئی ای آئی جے کے ایس سی کے اعزازی سیکرٹری عاقب سلطانہ وحید دیوا نے ویب نار کی نظامت کی ۔کشمیر ایڈیٹرس گلڈ ،پریذیڈنٹ پریس کلب سری نگر ، ایف ایم ریڈیو چینلز، فری لینس صحافی وغیرہ شخصیات نے اپنے خیالات کا اِظہار کیا۔